ભરૂચ એલસીબીએ દહેજના સંભેટી ગામ ખાતે થી 11 લાખના કેબલ ચોરીનો ભેદ ઉકેલી એક ઇસમની અંકલેશ્વરમાંથી ધરપકડ કરી કાયદેસરની કાર્યવાહી હાથ ધરી છે.
સમીર પટેલ, ભરૂચ
ભરૂચ ક્રાઈમ બ્રાન્ચ થી મળતી માહિતી મુજબ ભરૂચ ક્રાઇમ બ્રાનચનો સ્ટાફ ઉપલી અધિકારીઓની સુચનાઓ અન્વયે અંક્લેશ્વર વિસ્તારમાં પેટ્રોલીગમાં હતો, તે દરમિયાન બાતમી મળી હતી કે, દોઢ મહિના પહેલા દહેજ નજીક આવેલ સંભેટી ગામ પાસે આવેલ 66 કે.વી. સબ સ્ટેશન નજીક એવરેસ્ટ ફીડરમાં રોડની બાજુમાંથી કેબલ ચોરી થયા હતા. જે કેબલનો જથ્થો નોબલ માર્કેટમાં સાઇન પાર્ક ખાતે રહેતો અગાઉ ચોરીમાં પકડાયેલા અમન સીદ્દીકી અને તેના મિત્રોએ સંડોવાયેલો છે. હાલમાં નેશનલ હાઇવે આવેલ અમરતૃપ્તિ હોટલ પર ઉભો છે.
બાતમીના આધારે પોલીસે સ્થળ તપાસ કરતા સ્થળ પર પહોંચી બાતમીવાળા ઇસમને પકડી તેની પૂછપરછ કરતાં તે ભાંગી પડ્યો હતો. એક દોઢ મહિના પહેલાં પોતે તેમજ ઇમરાન અકબર મુન્સી, રાહુલ, નુર આલમ ખાન તથા જુબેર મળી જુબેરના ટેમ્પો લઈ જઈ દહેજ સંભેટી ખાતેથી કટર વડે કેબલ કાપી ચોરીની ઘટનાના અંજામ આપ્યો હોવા સાથે અંસાર માર્કેટ ખાતે દિનેશ યાદવને વેચાણ કર્યું હોવાની કબૂલાત કરી હતી. પોલીસે સાઇન પાર્ક સોસાયટીમાં રહેતો અમન ઇકબાલ સીધીકીને ઝડપી પાડયો હતો, જ્યારે અન્ય પાંચ ઇસમને વોન્ટેડ જાહેર કરી વધુ તપાસ હાથ ધરી છે.
