શું બીએલઓના માનદ વેતન બમણું કરવાના મુદ્દે લોકોને ગુમરાહ કરી રહ્યું છે ચૂંટણી પંચ ? ગ્રાઉડ પર સ્થિતિ કઈક અલગ સામે આવી
હાલ સમગ્ર ગુજરાત રાજયમાં સ્પેસિયલ ઇન્ટેનસીવ રિવિઝન મતદારયાદી સુધારણાની ઝુંબેશ ચાલી રહી છે,જે તે મતદાન બુથના બુથ લેવલ ઓફિસર BLO એ અઢાર અઢાર કલાક પ્રયત્નો કરીને ડોર ટુ ડોર ઘરે ઘરે મતદાર પત્રક પહોંચાડીને ત્રણ ત્રણ વખત ઘરોની મુલાકાત લઈને ફોર્મ પરત મેળવીને ઓનલાઈન કરવાની કપરી કામગીરી કરી રહ્યા છે,SIR માં પડતી મુશ્કેલીઓના કારણે બીએલઓની માનસિક અને શારીરિક સ્થિતિ હાલ ખુબજ ખરાબ છે ત્યારે ચૂંટણી પંચ દ્વારા પ્રેસ મીડિયામાં બીએલઓને આપતા માનદ વેતનમાં ધરખમ વધારો,બમણો વધારો જેવા સમાચારો પ્રસારીત કરાવવામાં આવ્યા,બીએલઓને સમગ્ર વર્ષનું માનદ વેતન રૂપિયા 6000/- અપાતું હતું જેમાં રૂપિયા 6000/- નો વધારો કરીને રૂપિયા 12000/- કરવામાં આવેલ છે,હકીકતમાં આ વધારો SIR મતદાર યાદી સુધારણા ઝુંબેશ શરૂ થઈ એ પહેલાં એટલે કે એક મહિના પહેલાં કરવામાં આવેલ છે,તો અત્યારે આ વધારો પ્રેસ આઉટ કરાવી ચૂંટણી પંચ બીએલઓની મજાક કરવામાં આવી હોય એવું બીએલઓ અમને જણાવી રહ્યા છે,કેટલાક બીએલઓ એમ પણ કહી રહ્યા છે કે અમારે માનદ વેતન નથી જોઈતું અમને કામગીરીમાંથી મુક્ત કરો,વળી અત્યારે ચૂંટણી પંચ વેતનના બમણા વધારોના અહેવાલો આપી પ્રજાને ગુમરાહ કરી રહ્યું છે કે “અમે બીએલઓને ઘણું આપીએ છીએ” હકીકતમાં હાલ બીએલઓ ટપોટપ મોતને ભેટી રહયા છે ત્યારે આ વધારાની વાત બિએલઓને દાઝયા પર ડામ આપવા જેવું છે એવું બીએલઓ અમોને જણાવ્યું હતું.
