રિપોર્ટર. કાદીર દાઢી.હાલોલ
તા.૪.૭.૨૦૨૩
હાલોલ નગરમાં આવેલ પ્રતિષ્ઠિત કલરવશાળામાં ગૌરીવ્રત નિમિત્તે ઘરેણાં સ્પર્ધાનું આયોજન કરવામાં આવ્યું હતું .આ સ્પર્ધામા ધોરણ 5 થી 12 ના ગુ. મા.અને અં. મા.ના વિદ્યાર્થીઓ માટે યોજાઈ હતી.આ સ્પર્ધાઓ યોજવાનું મુખ્ય હેતુ વિદ્યાર્થીઓમાં રહેલી સુષુપ્ત શક્તિઓને બહાર લાવવી તેમજ તેમને ખીલવવી જેનાથી વિદ્યાર્થીઓ આત્મવિશ્વાસની સાથે સ્પર્ધામાં ભાગ લઈ શકે. આ ઘરેણા સ્પર્ધામાં બંને માધ્યમના 200 વિદ્યાર્થીઓએ ઉત્સાહભેર ભાગ લઈને આકર્ષક અને કલાત્મક ઘરેણા બનાવીને બધાને મંત્રમુગ્ધ કર્યા. આમ આ સ્પર્ધામાં સૌથી સારા ઘરેણા બનાવનાર વિદ્યાર્થીઓને પ્રથમ દ્વિતીય અને તૃતીય નંબર આપીને પુરસ્કારથી પ્રોત્સાહિત કરવામાં આવ્યા. તેમજ શાળાના આચાર્ય ડૉ. કલ્પનાબેન જોશીપુરા આ સ્પર્ધામાં ભાગ લેનાર દરેક વિદ્યાર્થીઓને અભિનંદન આપ્યા હતા .તેમજ વધુમાં વધુ વિદ્યાર્થીઓ આવી સ્પર્ધાઓમાં ભાગ લે તે માટે પ્રોત્સાહિત કરવામાં આવ્યા હતા.