રાજ્યના 136 તાલુકાઓમાં વરસાદ વરસ્યો, માણસા તાલુકામાં 4.29 ઈંચ વરસાદ નોંધાયો
સૌથી વધુ વરસાદ માણસા તાલુકામાં 4.29 ઈંચ નોંધાયો છે, જ્યારે વિજાપુરમાં 4.25 ઈંચ વરસાદ પડ્યો છે.
ગુજરાત રાજ્યમાં વ્યાપક વરસાદ નોંધાયો છે, જેમાં 136 તાલુકાઓમાં વરસાદ વરસ્યો છે. સૌથી વધુ વરસાદ માણસા તાલુકામાં 4.29 ઈંચ નોંધાયો છે, જ્યારે વિજાપુરમાં 4.25 ઈંચ વરસાદ પડ્યો છે.
પાટણ જિલ્લાના સરસ્વતી તાલુકામાં માત્ર બે કલાકમાં જ બે ઈંચ વરસાદ નોંધાયો છે. આ ઉપરાંત, શિહોરમાં 1.57 ઈંચ, હળવદમાં 1.38 ઈંચ, રાજકોટમાં 1.22 ઈંચ અને ભરૂચમાં એક ઈંચ વરસાદ બે કલાકના ગાળામાં નોંધાયો છે.
જિલ્લા પ્રમાણે જોઈએ તો પાટણના સરસ્વતી તાલુકામાં બે ઈંચ વરસાદ, શિહોરમાં 1.57 ઈંચ, હળવદમાં 1.38 ઈંચ, રાજકોટમાં 1.22 ઈંચ, ભરૂચમાં એક ઈંચ, માણસામાં 4.29 ઈંચ, વિજાપુરમાં 4.25 ઈંચ, પ્રાંતિજમાં 3.35 ઈંચ, મહેસાણામાં 3.35 ઈંચ, ડીસામાં 3.19 ઈંચ, જોટાણામાં 2.52 ઈંચ, દાંતીવાડામાં 2.44 ઈંચ, પાલનપુરમાં 2.44 ઈંચ, ઈડરમાં 2.36 ઈંચ, સરસ્વતી તાલુકામાં 2.17 ઈંચ, ધરમપુરમાં 1.97 ઈંચ, મોડાસામાં 1.97 ઈંચ, થરાદમાં 1.85 ઈંચ, સિદ્ધપુરમાં 1.81 ઈંચ, મેઘરજમાં 1.73 ઈંચ, કપરાડામાં 1.65 ઈંચ, સિહોરમાં 1.57 ઈંચ, ખંભાળિયામાં 1.46 ઈંચ, ડાંગના વઘઈમાં 1.46 ઈંચ, હળવદમાં 1.38 ઈંચ, ટંકારામાં 1.38 ઈંચ, હિંમતનગરમાં 1.30 ઈંચ, રાજકોટમાં 1.22 ઈંચ, ખેરગામમાં 1.18 ઈંચ, પોશીનામાં 1.18 ઈંચ, ધનસુરામાં 1.14 ઈંચ, ડાંગ આહવામાં 1.14 ઈંચ, ઉમરગામમાં 1.06 ઈંચ, લાખણીમાં 1.06 ઈંચ અને ઉંઝામાં 1.02 ઈંચ વરસાદ નોંધાયો
હવામાન વિભાગે આગામી 7 દિવસ સુધી રાજ્યમાં વરસાદની સંભાવના વ્યક્ત કરી છે. જેમાં આજે ઉત્તર ગુજરાતમાં ભારે વરસાદની આગાહી કરવામાં આવી છે. હવામાન વિભાગે આ આગાહી કરી છે. આ પૂર્વાનુમાનને કારણે ઉત્તર ગુજરાતમાં સવારથી જ ભારે વરસાદ પડી રહ્યો છે. ઉત્તર ગુજરાતમાં હવામાન વિભાગ દ્વારા સાબરકાંઠા અને બનાસકાંઠામાં ભારે વરસાદનું ઓરેન્જ એલર્ટ જારી કરવામાં આવ્યું છે. આ સાથે અરવલ્લી, મહેસાણા, પાટણ અને ગાંધીનગરમાં ભારે વરસાદનું યલો એલર્ટ પણ જાહેર કરવામાં આવ્યું છે.
