2025 માં મનુષ્ય દ્વારા એલિયન્સની શોધમાં મોટી સફળતા મળી શકે છે : બાબા વેંગા
બાબા વેંગાની 2025ને લઈને ભવિષ્યવાણી અનુસાર આવનાર દિવસોમાં યુરોપમાં ભારે યુદ્ધ થવાની સંભાવના છે અને રાજનીતિક અસ્થિરતા જોવા મળી શકે છે.
દુનિયાની પ્રસિદ્ધ ભવિષ્યવક્તા બાબા વેંગાનું વર્ષ 2025ને લઈને કરેલી ભવિષ્યવાણી આ દિવસોમાં ચર્ચામાં છે. અગાઉમાં તેમના દ્વારા કરેલી ભવિષ્યવાણી સત્યની નજીક રહી છે. નવું વર્ષ આવવા જઈ રહ્યું છે. જ્યોતિષાચાર્ય અને જાણકારો અનુસાર નવું વર્ષ 2025 ખૂબ જ વિશેષ થવા જઈ રહ્યું છે. બાબા વેંગાએ નવા વર્ષને લઈને પણ અમુક વિશેષ ભવિષ્યવાણી કરી છે, આ શું છે ચાલો જાણીએ.
બાબા વેંગાની 2025ને લઈને ભવિષ્યવાણી અનુસાર આવનાર દિવસોમાં યુરોપમાં ભારે યુદ્ધ થવાની સંભાવના છે અને રાજનીતિક અસ્થિરતા જોવા મળી શકે છે. યુરોપમાં થઈ રહેલા સંઘર્ષથી પ્રકૃતિ પર ખૂબ ઊંડી અસર જોવા મળી શકે છે. જનસંખ્યામાં પણ ભારે ઘટાડો જોવા મળી શકે છે. આ સિવાય, છેલ્લા અમુક વર્ષોથી કેન્સરથી પીડાતા લોકોને 2025 માં વૈજ્ઞાનિકોની મદદથી આ ગંભીર બીમારીથી છુટકારો મળી શકે છે. 2025 માં મનુષ્ય દ્વારા એલિયન્સની શોધમાં મોટી સફળતા મળી શકે છે. બાબા વેંગાએ આ પણ દાવો કર્યો છે કે આગામી વર્ષમાં ‘વિનાશની શરૂઆત’ પણ થઈ શકે છે.
1996 માં તેમના મૃત્યુ પહેલા, બાબા વેંગાએ વર્ષ 5079 સુધી ભવિષ્યવાણીઓ કરી હતી અને અત્યાર સુધી તેમની ઘણી આગાહીઓ સાચી પડી છે જેમ કે – તેમણે 2001 માં અમેરિકામાં 9/11ના હુમલા વિશે પહેલેથી જ કહ્યું હતું કે “હોરર, હોરર! અમેરિકન ભાઈઓ સ્ટીલ પક્ષીઓના હુમલા પછી પડી જશે”, 1991 માં સોવિયેત સંઘના વિઘટન અંગેની આગાહી પણ સાચી પડી હતી.
બાબા વેંગાને બલ્ગેરિયન પ્રોફેટ તરીકે પણ ઓળખવામાં આવે છે અને તેમનો જન્મ 1911માં રશિયાના ઓટ્ટોમન સામ્રાજ્યમાં થયો હતો. 12 વર્ષની ઉંમરે તોફાનને કારણે તેમણે તેમની આંખોની રોશની ગુમાવી દીધી, જેના કારણે તેમને જીવનભર અંધ રહેવું પડ્યું. સમગ્ર વિશ્વમાં તેઓ એક પ્રખર ભવિષ્યવક્તા તરીકે ઓળખાયા. બાબા વેંગાએ વર્ષ 5079 સુધી ભવિષ્યવાણી કરી છે. વર્ષ 1996માં 85 વર્ષની વયે તેમનું અવસાન થયું હતું.
Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે vatsalyamsamachar.com આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતીને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી છે.
