વાત્સલ્યમ સમાચાર
મદન વૈષ્ણવ
PC &PNDT Act – ૧૯૯૪ અંતર્ગત તારીખ ૧૮/૦૩/૨૦૨૫ના રોજ ડિસ્ટ્રીક્ટ એડવાઇઝરી કમિટીના અધ્યક્ષ શ્રીમતી સુનિતાબેન બાગુલના અધ્યક્ષ સ્થાને જિલ્લા પંચાયત આરોગ્ય અધિકારીશ્રીની કચેરી ખાતે ડિસ્ટ્રીક્ટ એડવાઇઝરી કમિટીની બેઠક યોજવામા આવી હતી.
આ બેઠકમાં જનરલ હોસ્પિટલ, આહવા રિન્યુઅલ ઓફ રજીસ્ટ્રેશન માટે તમામ સભ્યો દ્વારા બહાલી આપવામાં આવી હતી. તેમજ PC&PNDT Act અંતર્ગત દર ૩ (ત્રણ) મહિને એપ્રોપ્રિએટ ઓથોરીટી દ્વારા કરવામાં આવતી ક્લિનિક વેરીફિકેશન બાબતે જે તાલુકાઓમાં સેક્સ રેશિયો ઓછો હોય અથવા જે ક્લિનિક ખાતે PC&PNDT Actનું પાલન થતુ ન હોય તેવા વિસ્તારની ક્લિનિક ખાતે સ્ટીંગ તથા ડિકોય જેવી કામગીરી હાથ ધરવા અધિક જિલ્લા આરોગ્ય અધિકારીશ્રી દ્વારા આ બેઠકમાં જણાવાયું હતું.
જિલ્લા એડવાઈઝરી કમિટીની આ બેઠકમાં એપ્રોપ્રિએટ ઓથોરીટી અને અધિક જિલ્લા આરોગ્ય અધિકારીશ્રી ડો.હિંમાશું ગામીત, આહવા તાલુકા આરોગ્ય અધિકારી સુશ્રી અનુરાધા ગામીત, વઘઇ તાલુકા આરોગ્ય અધિકારી સુશ્રી ડો. સ્વાતી પવાર, ઇ.ચા. સુબીર તાલુકા આરોગ્ય અધિકારીશ્રી ડો. નિલકેતુ પટેલ, સિવીલ હોસ્પિટલ આહવાના બાળરોગ નિષ્ણાત ડો.દિલિપ ચૌધરી તેમજ સ્ત્રીરોગ નિષ્ણાત સુશ્રી ડો.ધારા પટેલ, માઇક્રોબાયોલોજીસ્ટ સુશ્રી ડો.હેતલ રાઠોડ, IMA, ચેરમેનશ્રી ડો.એ.જી.પટેલ, PC&PNDT Act, પ્રોગ્રામ આસીસ્ટંટ શ્રી ઉમાકાન્ત જી પટેલ સહિતના કર્મચારીઓ ઉપસ્થિત રહ્યા હતા.
