તા.૨૫.૦૩.૨૦૨૫
વાત્સલ્યમ્ સમાચાર
અજય સાંસી દાહોદ
Limkheda:લીમખેડા તાલુકાના બાંડીબાર ખાતે RKSK પ્રોગ્રામ અંતર્ગત સબ સેન્ટરના પિયર એજ્યુકેટરની મીટીંગ યોજાઈ
તાલુકા આરોગ્ય અધિકારી ડો.સી.એમ. મછારના માર્ગદર્શન હેઠળ બાંડીબાર પીએચસીના મેડિકલ ઓફિસરના 
સહયોગથી RKSK પ્રોગ્રામ અંતર્ગત બધા જ સબ સેન્ટરના પિયર એજ્યુકેટરની મીટીંગ યોજવામાં આવી હતી.RKSK પ્રોગ્રામ અંતર્ગત પિયર એજયુકેટરને કિશોર અને કિશોરીઓમાં શારીરિક માનસિક તેમજ ભાવનાત્મક ફેરફાર સિકલસેલ એનિમિયા રોડ ટ્રાફિક એક્સિડન્ટ, ચેપી – બિન ચેપી રોગો તેમજ ધોરણ 10 અને 12 ના કયા ક્ષેત્રમાં કયા વિષય સાથે આગળ વધી શકાય તે વિશે સલાહ અને માર્ગદર્શન આપવામાં આવ્યું હતું. આ પિયર એજયુકેટર જો તેમના ગામ અને ફળિયામાં સ્વાસ્થ્ય અંગે જાગૃતિ આપે અને જો કોઈ કિશોર-કિશોરીને સ્વાસ્થ અંગે કોઈ મૂંઝવણ હોય તો કિશોર અને કિશોરી આરોગ્ય કેન્દ્ર સુધી પહોચતા થાય તે રીતે તૈયાર કરવા જણાવાયું હતું.આ નિમિતે પિયર એજ્યુકેટરને પ્રોત્સાહનરૂપે પાણીની બોટલ, ટી-શર્ટ, ટોપી, બેગ, કંપાસ, આઈ કાર્ડ, યોગા મેટ, પેન અને સ્લેટનું વિતરણ કરવામાં આવ્યું હતું
