MORBI:મોરબીમાં પોષણ સંગમ કાર્યક્રમના શુભારંભ અને અમલીકરણ બાબતે વર્કશોપ /કાર્યક્રમ યોજાશે
MORBI:મોરબીમાં પોષણ સંગમ કાર્યક્રમના શુભારંભ અને અમલીકરણ બાબતે વર્કશોપ /કાર્યક્રમ યોજાશે
જિલ્લા પંચાયત ખાતે એન.એન.એમ.ના મિશન ડાયરેક્ટરશ્રી તથા આઈસીડીએસના ડેપ્યુટી ડાયરેક્ટરશ્રીની પ્રેરક ઉપસ્થિતિમાં યોજાશે કાર્યક્રમ
કમિશનરીશ્રી આઈસીડીએસ, મહિલા અને બાળ વિકાસ વિભાગ દ્વારા ‘પોષણની સંગમ ( Protocol For Management Of Malnutrition In Children)’ કાર્યક્રમ અમલમાં મૂકવામાં આવ્યો છે. જે અન્વયે મોરબી જિલ્લામાં જિલ્લા પંચાયત ખાતે તારીખ ૩૦/૦૫/૨૦૨૫ ના રોજ એન.એન.એમના મિશન ડાયરેક્ટરશ્રી, આઈસીડીએસના ડેપ્યુટી ડાયરેક્ટરશ્રી તથા મોરબી જિલ્લા વિકાસ અધિકારીશ્રી જે.એસ. પ્રજાપતિની પ્રેરક ઉપસ્થિતિમાં પોષણ સંગમ કાર્યક્રમના શુભારંભ અને અમલીકરણ બાબતે વર્કશોપ કાર્યક્રમનું આયોજન કરવામાં આવ્યું છે.
પોષણ સંગમ( Protocol For Management Of Malnutrition In Children) કાર્યક્રમ અંતર્ગત સરકાર દ્વારા રાજ્ય કક્ષાથી શરૂ કરી જિલ્લા અને તાલુકા/સેજા કક્ષા સુધી આઈસીડીએસના તમામ અધિકારી/કર્મચારીઓને તાલીમ આપવામાં આવી છે. ત્યારે મોરબીમાં આવતીકાલે તારીખ ૩૦/૦૫/૨૦૨૫ ના રોજ સવારે ૧૦:૦૦ થી બપોરના ૧૩:૩૦ સુધી રૂમ નંબર ૧૯, ગ્રાઉન્ડ ફ્લોર, મોરબી જિલ્લા પંચાયત ખાતે પોષણ સંગમ કાર્યક્રમના શુભારંભ અને અમલીકરણ માટે વર્કશોપ કાર્યક્રમનું આયોજન કરવામાં આવ્યું છે.
