ચોટીલા SDM એ મૂળી APMC ખાતે ટેકાના ભાવે મગફળીની ખરીદીનો શુભારંભ કરાવ્યો.
પોષણક્ષમ ભાવો સુનિશ્ચિત કરવા મહત્વપૂર્ણ પહેલ, પ્રતિ મણ દીઠ રૂ. 1452.60 નો ટેકાનો ભાવ જાહેર
તા.09/11/2025/
બાવળિયા ઉમેશભાઈ સુરેન્દ્રનગર
પોષણક્ષમ ભાવો સુનિશ્ચિત કરવા મહત્વપૂર્ણ પહેલ, પ્રતિ મણ દીઠ રૂ. 1452.60 નો ટેકાનો ભાવ જાહેર, સુરેન્દ્રનગર જિલ્લાના મૂળી તાલુકા સ્થિત એગ્રીકલ્ચર પ્રોડ્યુસ માર્કેટિંગ કમિટી APMC ખાતે આજે રાજ્ય સરકાર દ્વારા જાહેર કરાયેલા મગફળીના ટેકાના ભાવે ખરીદીની પ્રક્રિયાનો વિધિવત પ્રારંભ ચોટીલા પ્રાંત અધિકારી એચ.ટી. મકવાણાએ કરાવ્યો હતો ખેડૂતોને તેમના પાકના પોષણક્ષમ ભાવો મળી રહે તે હેતુથી આ મહત્વપૂર્ણ પહેલ શરૂ કરવામાં આવી છે ટેકાના ભાવો અંગેની વિગતો અપાતા પ્રાંત અધિકારી એચ. ટી. મકવાણાએ જણાવ્યું હતું કે રાજ્ય સરકાર દ્વારા મગફળી માટે પ્રતિ મણ દીઠ 20 કિલો રૂ. 1452.60નો ટેકાનો ભાવ જાહેર કરવામાં આવ્યો છે આજે આ ભાવે APMC સેન્ટર પર ખરીદીની શરૂઆત કરવામાં આવી છે ખરીદી પ્રક્રિયાના પ્રારંભ રૂપે કળમદ ગામના એક ખેડૂતની મગફળીની પહેલી ખરીદી કરવામાં આવી જેની સાથે જ ટેકાના ભાવે મગફળી ખરીદવાનું કાર્ય સુચારુ રીતે શરૂ થઈ ગયું છે આ પ્રક્રિયા દ્વારા મૂળી તાલુકાના ખેડૂતોને તેમની મગફળીના સારા ભાવો મળવાની ખાતરી આપવામાં આવી છે જે ખેડૂત સમુદાયમાં આનંદ અને સંતોષની લાગણી જગાડે છે આ પ્રસંગે જિલ્લા ખેતીવાડી અધિકારી મુકેશ પરમાર, એપીએમસી સેક્રેટરી જીતેન્દ્રસિંહ પરમાર, સહિત આસપાસના ખેડૂતો ઉપસ્થિત રહ્યા હતા.
