ભાવનગરમાં શહેરી વિકાસ વર્ષ-૨૦૨૫ અંતર્ગત પ્રાદેશિક કમિશનર નગરપાલિકાઓ અને ભાવનગર મહાનગરપાલિકાના સંયુક્ત ઉપક્રમે GeM પોર્ટલ તાલીમ કાર્યક્રમનું આયોજન

પ્રાદેશિક કમિશનર, નગરપાલિકાઓની કચેરી ભાવનગર ઝોન તથા ભાવનગર મહાનગરપાલિકા, ભાવનગરના સંયુક્ત ઉપક્રમે પ્રાદેશિક કમિશનર નગરપાલિકાઓની કચેરી ભાવનગર ઝોન અને મહાનગરપાલિકા ભાવનગરના અધિકારી/કર્મચારીઓ તથા ભાવનગર ઝોન હેઠળની તમામ નગરપાલિકાઓના ચીફ ઓફિસર, મ્યુનિસિપલ ઈજનેર, ડે. એકાઉન્ટન્ટ અને મેનેજર (સોલીડ વેસ્ટ) માટે ગવર્નમેન્ટ ઈ-માર્કેટપ્લેસ પોર્ટલનો તાલીમ કાર્યક્રમ યોજાયો હતો. વર્ષ ૨૦૨૫ને ગુજરાત સરકાર દ્વારા શહેરી વિકાસ વર્ષ તરીકે ઉજવવાનું નક્કી કરવામાં આવેલ છે. રાજ્ય સ્તરે તમામ વિભાગોના વડાઓ, તમામ મ્યુનિસિપલ કોર્પોરેશન અને તમામ નગરપાલિકાઓમાં ઈવેન્ટ અને એક્ટીવીટી માટે “શહેરી વિકાસ વર્ષ-૨૦૨૫ ઈવેન્ટ્સ કેલેન્ડર” તૈયાર કરવામાં આવ્યું છે. જે અંતર્ગત “Empowering Municipal Staff, Strengthening Urban Futures”, “Training Today for Smarter Cities Tomorrow” ટેગ લાઈન હેઠળ શ્રી ઝવેરચંદ મેઘાણી મીની ઓડીટોરીયમ હોલ ખાતે, સરદારનગર, ભાવનગર ખાતે ટ્રેનીંગનું આયોજન કરવામાં આવ્યું હતુ.આ તાલીમ કાર્યક્રમ ભાવનગર મહાનગરપાલિકાના મ્યુનિસિપલ કમિશનરશ્રી ડો. એન. કે. મીણા, ભાવનગર ઝોનના પ્રાદેશિક કમિશનર ધવલ પંડ્યા, ઝોનના અધિક કલેક્ટર ડી. એન. સતાણી, ડેપ્યુટી મ્યુનિસિપલ કમિશનર જય રાવલની હાજરીમાં યોજાયો હતો, જેમાં ભાવનગર ઝોન હેઠળના અમરેલી જિલ્લાની ૧૦ નગરપાલિકા, ભાવનગર જિલ્લાની ૬ નગરપાલિકા, ગીર સોમનાથ જિલ્લાની ૫ નગરપાલિકા અને જુનાગઢ જિલ્લાની ૭ નગરપાલિકાઓ, આમ ભાવનગર ઝોન હેઠળની તમામ ૨૮ નગરપાલિકાઓના ચીફ ઓફિસર, મ્યુનિસિપલ ઈજનેર, ડેપ્યુટી એકાઉન્ટન્ટ અને સ્વચ્છ ભારત મિશનના મેનેજર (સોલીડ વેસ્ટ) તથા ભાવનગર મહાનગરપાલિકા અને ભાવનગર ઝોનના અધિકારી/કર્મચારીઓએ મળી કુલ ૨૩૨ અધિકારી/કર્મચારીઓએ ભાગ લીધો હતો.GeMની ગુજરાત રાજ્યની સેન્ટ્રલ ટ્રેઈનીંગ ટીમના માસ્ટર ટ્રેઈનરશ્રી મલેક મોહમદઅતિક દ્વારા વિગતવાર સમજુતી આપવામાં આવી. જેમાં ગવર્નમેન્ટ ઈ-માર્કેટપ્લેસએ ભારત સરકારનું એક ઈ-કોમર્સ ઓનલાઈન પોર્ટલ છે. જેના મારફત સરકારના વિવિધ વિભાગો, મંત્રાલયો, પી.એસ.યુ. અને અન્ય સરકારી સંસ્થાઓ જરૂરીયાત મુજબની ખરીદી કરતી હોય છે. નગરપાલિકાઓ તથા મહાનગરપાલિકા દ્વારા તેઓની જરૂરીયાત મુજબની ખરીદી ગવર્નમેન્ટ ઈ-માર્કેટપ્લેસ પોર્ટલ મારફત કરવામાં આવતી હોય છે. નગરપાલિકા તથા મહાનગરપાલિકાના સ્ટાફને આ ખરીદીની પ્રક્રિયા તથા પોર્ટલનાં ઉપયોગ અંગે વિગતવાર સમજ આપી તેમજ પ્રેક્ટીકલ ડેમોન્ટ્રેશન આપવામાં આવ્યું હતુ.GeM (ગવર્નમેન્ટ ઈ-માર્કેટપ્લેસ) ભારત સરકારનું એક ઑનલાઇન ઈ-કોમર્સ પ્લેટફોર્મ છે, જે સરકારી વિભાગો, મંત્રાલયો, પી.એસ.યુ. અને અન્ય સરકારી સંસ્થાઓ માટે ખરીદીની પ્રક્રિયાને સરળ, પારદર્શક અને ઝડપી બનાવવા માટે રચાયેલ છે. આ પોર્ટલ સરકારને જરૂરી તમામ વસ્તુઓ અને સેવાઓ એક જ વેબસાઈટ પર ઉપલબ્ધ કરાવે છે. જેથી ખરીદી અને ટેન્ડરની પ્રક્રિયા ખુલ્લી અને સાફસૂથરી રહે છે. સ્પર્ધાત્મક દર મળવાથી સરકારના ખર્ચમાં બચત થાય છે અને ઓર્ડર મૂકવાથી લઈને સામાન મળ્યા સુધીની સમગ્ર પ્રક્રિયા ઝડપી તથા સરળ બને છે. વેચનાર અને ખરીદદારો બંને માટે રજિસ્ટ્રેશન બહુ સરળ છે.તેમજ IT સામાન, ઑફિસ વસ્તુઓ,વાહનો,મશીનરી, મજૂરી સેવા,કન્સલ્ટન્સી સહિત હજારો વસ્તુઓ અને સેવાઓ આ પોર્ટલ પર ઉપલબ્ધ છે

રિપોર્ટર : અનિરૂધસિંહ બાબરીયા – કેશોદ

Sorry, there was a YouTube error.