હળવદ પોલીસ દ્વારા દારૂના વેચાણ અને હેરાફેરી સામે કડક કાર્યવાહી કરવામાં આવી રહી છે. જે અંતર્ગત હળવદ તાલુકાના કવાડિયા ગામે એક રહેણાંક મકાનમાં દરોડો પાડી પોલીસે ગેરકાયદેસર વિદેશી દારૂની બોટલો જપ્ત કરી છે.
મળતી માહિતી મુજબ, હળવદ પોલીસની ટીમ જ્યારે પેટ્રોલિંગમાં હતી, ત્યારે મળેલી બાતમીના આધારે કવાડિયા ગામે આરોપીના રહેણાંક મકાનમાં રેઇડ કરવામાં આવી હતી. આ દરોડા દરમિયાન મકાનમાંથી નીચે મુજબનો મુદ્દામાલ મળી આવ્યો હતો
બ્લુ સ્ટ્રોક એક્સક્યુસાઇટ વ્હિસ્કી: ૧૮૦ એમ.એલ.ની ૪ બોટલ સુપર ઝુબિલી સ્પેશ્યલ વ્હિસ્કી: ૧૮૦ એમ.એલ.ની ૨૨ બોટલ કુલ મુદ્દામાલ: ૨૬ બોટલ (કિંમત રૂ. ૨૬૦૦/-)બે આરોપીઓ સામે ગુનો દાખલ પોલીસ તપાસમાં આ દારૂના જથ્થા મામલે બે વ્યક્તિઓના નામ સામે આવ્યા છે:વનરાજભાઈ શિહોરા કરણભાઈ વનરાજભાઈ શિહોરા પોલીસ રેઇડ દરમિયાન બંને આરોપીઓ ઘટનાસ્થળે હાજર મળી આવ્યા નહોતા. હળવદ પોલીસે બંને વિરુદ્ધ પ્રોહિબિશન એક્ટ હેઠળ ગુનો નોંધી, તેઓને ઝડપી પાડવા માટેના ચક્રો ગતિમાન કર્યા છે.
