તા.૨૧.૦૩.૨૦૨૬
વાત્સલ્યમ્ સમાચાર
અજય સાંસી દાહોદ
Dahod:દાહોદના અસાયડીમાં જોવા મળ્યો અત્યંત દુર્લભ ‘આલ્બીનો વુલ્ફ સ્નેક’: પ્રકૃતિ મિત્ર મંડળ દ્વારા છ માસમાં બે આલ્બિનો સર્પનું રેસ્ક્યુ(
હેડીંગ)
દાહોદના અસાયડી ગામમાંથી ખૂબ દુર્લભ ગણાતો સફેદ રંગનો ‘આલ્બિનો વુલ્ફ સ્નેક’ મળી આવતા કુતૂહલ સર્જાયું હતું. તા. ૧૮ માર્ચ ૨૦૨૬ ના રોજ આ સાપ દેખાતા સ્થાનિકોમાં ઉત્તેજના ફેલાઈ હતી. જે બાદ પ્રકૃતિ મિત્ર મંડળ, દાહોદના જાણીતા સર્પ રેસ્ક્યુઅર ચિરાગ તલાટી અને જીગાભાઈ નવલસિંહ ઘટનાસ્થળે પહોંચ્યા હતા. અત્યંત કુશળતાપૂર્વક આ દુર્લભ સાપને પકડી લેવામાં આવ્યો હતો. ઉલ્લેખનીય છે કે છ માસ પૂર્વે સપ્ટેમ્બર માસમાં પણ દાહોદના જાલત મુકામેથી પ્રકૃતિ મિત્ર મંડળના શાહિદ શેખ અને વિમલ નામે બે રેસ્ક્યુઅરે પણ આ પ્રકારનો દુર્લભ અને ભાગ્યે જ જોવાતો બિનઝેરી એવો આલ્બિનો વુલ્ફ સ્નેક રેસ્ક્યુ કર્યો હતો આલ્બીનો વુલ્ફ સ્નેક શા માટે વિશિષ્ટ છે? (પેટા હેડીંગ) બિનઝેરી પ્રકારનો વુલ્ફ સ્નેક સામાન્ય રીતે કથ્થઈ કે કાળા રંગનો હોય છે, પરંતુ આલ્બિનિઝમ નામની જિનેટિક સ્થિતિને કારણે આ સાપનો રંગ સંપૂર્ણ સફેદ કે આછો ગુલાબી જેવો હોય છે. કુદરતમાં આવા સાપ ટકી રહેવા મુશ્કેલ હોય છે કારણ કે તેમનો સફેદ રંગ શિકારીઓનું ધ્યાન તરત ખેંચે છે, તેથી આ પ્રકારના સાપનું મળવું એ વન્યજીવ પ્રેમીઓ માટે મોટી ઘટના માનવામાં આવે છે.દાહોદનું પ્રકૃતિ મિત્ર મંડળ લાંબા સમયથી વન્યજીવોના સંરક્ષણ માટે કાર્યરત છે. ચિરાગ તલાટી અને તેમની ટીમ દ્વારા કરવામાં આવેલા આ સફળ રેસ્ક્યુ બાદ સાપને સુરક્ષિત રીતે વન વિભાગના માર્ગદર્શન હેઠળ કુદરતી આવાસમાં મુક્ત કરવાની તજવીજ હાથ ધરવામાં આવી છે.
