MORBI:મોરબી NDPS ગુનામાં નાસતા ફરતા આરોપીને ઝડપી પાડ્યો
મોરબી: જિલ્લામાં ગુનાખોરી ડામવા અને નાસતા ફરતા શખ્સોને પકડવા માટે મોરબી એસ.ઓ.જી. (Special Operations Group) ટીમ સતત કાર્યરત છે. તેવામાં ટીમને એક મોટી સફળતા મળી છે, જેમાં મોરબી તાલુકા પોલીસ સ્ટેશનના એન.ડી.પી.એસ. (NDPS) એક્ટ હેઠળના ગુનામાં સંડોવાયેલા અને લાંબા સમયથી પકડવા પર બાકી રહેલા આરોપીને ઝડપી પાડવામાં આવ્યો છે.
મળતી માહિતી મુજબ, મોરબી એસ.ઓ.જી. સ્ટાફ પેટ્રોલિંગમાં હતો તે દરમિયાન ચોક્કસ બાતમી મળી હતી કે, મોરબી તાલુકા પોલીસ સ્ટેશનમાં નોંધાયેલા કેફી દ્રવ્યોના (NDPS) ગુનામાં સંડોવાયેલ આરોપી અજયભાઈ રાયસિંહ (રહે. મોરબી) શહેરમાં જ ક્યાંક છુપાયેલો છે.
કાર્યવાહી: બાતમીના આધારે એસ.ઓ.જી.ની ટીમે વોચ ગોઠવીને આરોપી અજયભાઈને દબોચી લીધો હતો.
આગળની તપાસ એસ.ઓ.જી. દ્વારા આરોપીની અટકાયત કર્યા બાદ તેને વધુ તપાસ અને કાયદેસરની કાર્યવાહી માટે મોરબી તાલુકા પોલીસ સ્ટેશનને સોંપવામાં આવ્યો છે. હાલ પોલીસ આ મામલે આરોપી અન્ય કોઈ ગુનાહિત પ્રવૃત્તિમાં સામેલ છે કે કેમ તે દિશામાં તપાસ ચલાવી રહી છે.
