વાત્સલ્યમ્ સમાચાર,
પૂજા ઠક્કર – મુંદરા કચ્છ.
જનતાની વાત, સરકારનો સાદ: મુખ્યમંત્રીશ્રીની સંવેદનશીલતાએ પરીક્ષાર્થીઓને અપાવી ગરમીથી રાહત
અમદાવાદ/કચ્છ, તા. 3 (બપોરે 2 કલાકે) :
“સરકાર એ છે જે જનતાના હૃદયના ધબકારા સાંભળે.” આ ઉક્તિને આજે ગુજરાતના મૃદુ અને મક્કમ મુખ્યમંત્રી શ્રી ભૂપેન્દ્રભાઈ પટેલે સાર્થક કરી બતાવી છે. TAT-S ની પરીક્ષા આપવા આવેલા હજારો ઉમેદવારો અને વાલીઓની હાલાકી અંગેની રજૂઆત પહોંચતા જ મુખ્યમંત્રીશ્રી અને શિક્ષણ વિભાગે તાત્કાલિક હસ્તક્ષેપ કરી માનવીય અભિગમ અપનાવ્યો છે.
મુખ્યમંત્રીશ્રીના નિર્ણયની મહત્વની અસરો:
* વહેલો પ્રવેશ: કાળઝાળ ગરમીને ધ્યાનમાં રાખીને પરીક્ષા કેન્દ્રો પર નિર્ધારિત સમય કરતાં વહેલો પ્રવેશ આપવાના આદેશો છૂટ્યા.
* છાંયડા અને પાણીની સુવિધા:સ્કૂલ કમ્પાઉન્ડમાં ઉમેદવારો અને વાલીઓને બેસવા માટે વ્યવસ્થા કરી આપવામાં આવી જેનાથી હીટવેવના જોખમથી રક્ષણ મળ્યું.
* માનસિક શાંતિ:પરીક્ષાના તણાવ વચ્ચે યોગ્ય વાતાવરણ મળતા વિદ્યાર્થીઓમાં ખુશીની લહેર દોડી ગઈ.
કચ્છના પરીક્ષાર્થીઓનો આભાર સંદેશ:
“અમે કચ્છ જેવા દૂરના જિલ્લામાંથી જ્યારે અમદાવાદ આવ્યા ત્યારે ગરમી અને વ્યવસ્થાને લઈને ચિંતિત હતા પરંતુ અમારી વેદના સમજીને મુખ્યમંત્રીશ્રીએ જે ત્વરિત નિર્ણય લીધો છે તે અભિનંદનને પાત્ર છે. સોશિયલ મીડિયા અને મીડિયાના માધ્યમથી ઉઠાવેલ અવાજને સરકારે માન આપ્યું તે બદલ અમે શ્રી ભૂપેન્દ્રભાઈ પટેલ અને સમગ્ર શિક્ષણ વિભાગનો હૃદયપૂર્વક આભાર માનીએ છીએ. સાચા અર્થમાં આ એક ‘સંવેદનશીલ સરકાર’ હોવાનું સાબિત થયું છે.”
તસવીરોમાં સ્પષ્ટ જોઈ શકાય છે કે અમદાવાદના પરીક્ષા કેન્દ્રો પર વહેલો પ્રવેશ અપાતા હવે વિદ્યાર્થીઓ ખુલ્લા રસ્તાને બદલે સુરક્ષિત કમ્પાઉન્ડમાં આશ્રય લઈ શકશે. લોકશાહીમાં જ્યારે શાસક અને જનતા વચ્ચે આવો જીવંત સંવાદ થાય ત્યારે પ્રજાનો વિશ્વાસ વધુ દ્રઢ બને છે તે ફરી એકવાર ગુજરાતની સરકારે આજે સાબિત કરી આપ્યું છે.
વાત્સલ્યમ્ સમાચારમાં મુંદરા-કચ્છના સમાચાર/જાહેરાત આપવા માટે સંપર્ક કરો :
-પુજા ઠક્કર,
9426244508,
ptindia112@gmail.com
