GUJARAT:ગુજરાતમાં ચૂંટણી વખતે વિકાસના ઘેરાતા વાદળો સતા પ્રાપ્ત થયા પછી સતત વિકાસનો વરસાદ થતાં મતદાર પ્રજાના જીવ હાલક ડોલક!!!
GUJARAT:ગુજરાતમાં ચૂંટણી વખતે વિકાસના ઘેરાતા વાદળો સતા પ્રાપ્ત થયા પછી સતત વિકાસનો વરસાદ થતાં મતદાર પ્રજાના જીવ હાલક ડોલક!!!
મતદાર પ્રજા હિતે વિકાસનો સાચો વરસાદઃ વચનો નહીં, પરિણામોથી વિશ્વાસ જીતવાનો સમય ગુજરાત સહિત દેશભરમાં ચૂંટણી સમયે વિકાસના વચનો, મોટા આયોજન અને પ્રજાહિતના દાવાઓ વચ્ચે મતદાર પ્રજા હંમેશા આશા રાખતી હોય છે કે સત્તા પ્રાપ્ત થયા બાદ રોજિંદા જીવનની સમસ્યાઓનું વાસ્તવિક નિરાકરણ આવશે. આજે મોંઘવારી, બેરોજગારી, વેપાર ક્ષેત્રની મંદી, જીવનજરૂરી વસ્તુઓના વધતા ભાવ અને મધ્યમ-ગરીબ વર્ગની આર્થિક મુશ્કેલીઓ જેવા પ્રશ્નો ચર્ચાના કેન્દ્રમાં છે. સોશિયલ મીડિયા થી માંડી ગામડાં અને શહેરોના ચર્ચા મંડળોમાં વિકાસના દાવા સામે લોકો પોતાના અનુભવ આધારે સવાલો ઉઠાવતા જોવા મળે છે.ગુજરાતના અનેક ગ્રામ્ય વિસ્તારોમાં હજુ પણ રોડ-રસ્તા, પાણી, આરોગ્ય, શિક્ષણ અને રોજગારી જેવી પાયાની સુવિધાઓને વધુ મજબૂત કરવાની જરૂરિયાત અનુભવાઈ રહી છે. ઘણા વિસ્તારોમાં શાળા જવાની ઉંમરે બાળકો મજૂરી તરફ ધકેલાતા હોવાની ચિંતાઓ પણ ઉઠે છે, જે સમાજ અને શાસન બંને માટે વિચારવાનો વિષય છે.એવા સમયમાં મતદાર પ્રજાની અપેક્ષા એ રહે છે કે સ્થાનિક સ્તરેથી લઈ રાજ્ય અને કેન્દ્ર સુધીના ચૂંટાયેલા પ્રતિનિધિઓ—ધારાસભ્ય, સંસદ સભ્ય, સરપંચ, કોર્પોરેટર તથા પંચાયતના પ્રતિનિધિઓ—પ્રજાલક્ષી પ્રશ્નોને પ્રથમ પ્રાધાન્ય આપે. મોંઘવારી નિયંત્રણ, યુવાનોને રોજગારી, નાના વેપારીઓને રાહત, ખેડૂતોને સુવિધા અને સરકારી-આઉટસોર્સ કર્મચારીઓના પ્રશ્નોના સમયસર ઉકેલ માટે આયોજનબદ્ધ કામગીરી થાય તે સમયની માંગ બની રહી છે.
દેશની પ્રગતિ માત્ર ભાષણો કે રાજકીય દાવાઓથી નહીં, પરંતુ સામાન્ય નાગરિકના જીવનમાં પડતા સકારાત્મક પરિવર્તનથી માપવામાં આવે છે. સ્થાનિક ઉત્પાદન, સ્વદેશી ઉદ્યોગોને પ્રોત્સાહન, સંશોધન આધારિત વિકાસ અને રોજગારી સર્જન દ્વારા આત્મનિર્ભર ભારતનું સ્વપ્ન વધુ મજબૂત બની શકે છે.મતદાર પ્રજાનું પણ માનવું છે કે વિકાસનો સાચો અર્થ ત્યારે સાબિત થાય જ્યારે શહેરથી ગામડાં સુધીનો સામાન્ય માણસ મોંઘવારીના બોજમાંથી રાહત અનુભવે, યુવાનોને રોજગાર મળે, વેપારને ગતિ મળે અને પ્રજાના હક-હિતને રાજકારણ કરતાં વધુ મહત્વ આપવામાં આવે. ખરા અર્થમાં પ્રજાહિત અને રાષ્ટ્રહિતને પ્રાધાન્ય આપનાર નેતૃત્વ જ લાંબા ગાળે લોકોના દિલમાં સ્થાન બનાવી શકે છે.
