MORBI: મોરબીના ભડીયાદ રોડ પર વર્લી મટકાનો જુગાર રમાડતા બે ઝડપાયા, બે ફરાર
મોરબીમાં ગુનાખોરી અને જુગારની પ્રવૃત્તિઓ પર લગામ કસવા માટે પોલીસ તંત્ર સતત કાર્યરત છે, ત્યારે મોરબી એલ.સી.બી. (Local Crime Branch) અને પેરોલ ફર્લો સ્કોડની ટીમને સંયુક્ત રીતે એક મોટી સફળતા મળી છે. બાતમીના આધારે પોલીસે મોરબીના સામાકાંઠા વિસ્તારમાં રેઇડ કરીને જાહેર જગ્યા પર વર્લીફીચરના નસીબ આધારિત આંકડા લખી જુગાર રમાડતા બે ઇસમોને રંગેહાથ ઝડપી પાડ્યા છે.
મળતી માહિતી મુજબ, મોરબી એલ.સી.બી. અને પેરોલ ફર્લો સ્કોડની ટીમને સંયુક્ત રીતે ખાનગી રાહે ચોક્કસ બાતમી મળી હતી કે, મોરબીના સામાકાંઠે આવેલા ભડીયાદ રોડ, ભડીયાદ કાંટા પાસે જાહેર ખુલ્લી જગ્યામાં કેટલાક ઇસમો એકઠા થઈને વર્લીફીચરના આંકડા પર જુગાર રમી અને રમાડી રહ્યા છે. આ બાતમીના આધારે પોલીસ ટીમે તાત્કાલિક સ્પોટ પર રેઇડ કરી હતી.
પોલીસની રેઇડ દરમિયાન ઘટનાસ્થળેથી જુગાર રમાડતા બે આરોપીઓ મળી આવ્યા હતા. પોલીસે તેમની પાસેથી જુગારનું સાહિત્ય, વર્લીફીચરના આંકડા લખેલી એક ડાયરી, બોલપેન તેમજ રોકડા રૂપિયા ૧૧,૧૨૦/- નો મુદ્દામાલ જપ્ત કર્યો છે.
પકડાયેલા આરોપીઓ : નિમેશ ઉર્ફે કાનો અશ્વિનભાઇ મિરાણી (ઉંમર વર્ષ ૩૮, રહે. વિધાનગર સોસાયટી, મોરબી-૨)પ્રવિણ ઉર્ફે ઘનો અજુભાઇ સોમાણી (ઉંમર વર્ષ ૩૦, રહે. વિધાનગર સોસાયટી, મોરબી-૨)
આ રેઇડ દરમિયાન અન્ય બે ઇસમો પોલીસને હાજર મળી આવ્યા ન હતા, જેથી પોલીસે તેમને ફરાર જાહેર કર્યા છે.
ફરાર આરોપીઓ અફઝલ ઉર્ફે જલો સમા (રહે. સો ઓરડી, મોરબી-૨) રાજુભાઇ મહાલીયા કોળી (રહે. ભડીયાદ કાંટો, મોરબી)
પોલીસે પકડાયેલા અને ફરાર શખ્સો સહિત કુલ ૪ ઇસમો વિરૂદ્ધ મોરબી સીટી બી ડીવીઝન પોલીસ સ્ટેશન ખાતે જુગારધારા (Gambling Act) હેઠળ ગુનો નોંધીને કાયદેસરની આગળની ધોરણસરની કાર્યવાહી હાથ ધરી છે.
