MORBI:મોરબીમાં “સ્વચ્છ ગુજરાત, પ્લાસ્ટિક ફ્રી ગુજરાત” ઝુંબેશ: વોર્ડ નં. 9માં કોર્પોરેટરો અને સ્થાનિકોએ ઉપાડ્યું સફાઈ અભિયાન
MORBI:મોરબીમાં “સ્વચ્છ ગુજરાત, પ્લાસ્ટિક ફ્રી ગુજરાત” ઝુંબેશ: વોર્ડ નં. 9માં કોર્પોરેટરો અને સ્થાનિકોએ ઉપાડ્યું સફાઈ અભિયાન
રાજ્ય સરકારના “સ્વચ્છ ગુજરાત, પ્લાસ્ટિક ફ્રી ગુજરાત” અભિયાનને સાકાર કરવા માટે મોરબી મહાનગરપાલિકા દ્વારા એક વિશેષ પ્લાસ્ટિક વેસ્ટ કલેક્શન ઝુંબેશનું આયોજન કરવામાં આવ્યું છે. જે અંતર્ગત આજે વોર્ડ નં. 9 વિસ્તારમાં આવેલા હિરાસર રોડ પર વ્યાપક સફાઈ અભિયાન હાથ ધરીને સ્થાનિકોને સ્વચ્છતાનો સંદેશ આપવામાં આવ્યો હતો.
આ સફાઈ ઝુંબેશમાં વોર્ડ નં. 9ના સ્થાનિક કોર્પોરેટરોએ પોતે રસ્તા પર ઉતરીને શ્રમદાન કર્યું હતું અને લોકોને જાગૃત કર્યા હતા. આ અભિયાનમાં:નવનીતભાઈ ભુદરભાઈ કુંડારિયા (કોર્પોરેટર) હિરેનભાઈ પરબતભાઈ કરોતરા (કોર્પોરેટર) ભગવતીબેન મહેશભાઈ કુંડારિયા (કોર્પોરેટર)
સહિતના અગ્રણીઓ અને કાર્યકર્તાઓ મોટી સંખ્યામાં જોડાયા હતા. તમામ મહાનુભાવોએ નાગરિકોને સિંગલ યુઝ પ્લાસ્ટિકનો ઉપયોગ ન કરવા અને મોરબીને પ્લાસ્ટિક મુક્ત બનાવવામાં સહયોગ આપવા અપીલ કરી હતી.
“સ્વચ્છ અને પ્લાસ્ટિક મુક્ત મોરબીનું નિર્માણ એ આપણી સામૂહિક જવાબદારી છે.”
આ ઝુંબેશ માત્ર સરકારી ન રહેતા ખરા અર્થમાં લોકઝુંબેશ બની હતી. મોરબી મહાનગરપાલિકાની ટીમ અને સફાઈ કર્મચારીઓની સાથે સ્થાનિક નાગરિકો અને વેપારીઓએ પણ અત્યંત ઉત્સાહપૂર્વક આ સફાઈ કાર્યમાં ભાગ લીધો હતો. સમગ્ર હિરાસર રોડ વિસ્તારમાંથી પ્લાસ્ટિકનો કચરો એકત્રિત કરી તેનો યોગ્ય નિકાલ કરવામાં આવ્યો હતો. સ્થાનિકોએ મહાનગરપાલિકાના આ પગલાને બિરદાવીને આગામી સમયમાં પણ સ્વચ્છતા જાળવી રાખવાનો સંકલ્પ કર્યો હતો.
