MORBI:મોરબીમાં રફતારનો કહેર: વાવડી ચોકડી પાસે કારે રિક્ષાને હડફેટે લેતા 60 વર્ષીય વૃદ્ધાનું કરૂણ મોત
MORBI:મોરબીમાં રફતારનો કહેર: વાવડી ચોકડી પાસે કારે રિક્ષાને હડફેટે લેતા 60 વર્ષીય વૃદ્ધાનું કરૂણ મોત
મોરબીમાં રફતારનો કહેર: વાવડી ચોકડી પાસે કારે રિક્ષાને હડફેટે લેતા 60 વર્ષીય વૃદ્ધાનું કમકમાટીભર્યું મોત
સતત બીજા દિવસે બેફામ ડ્રાઇવિંગથી અકસ્માત: પોલીસની ઢીલી કામગીરી અને કાયદાના ડર સામે નાગરિકોમાં ભારે રોષ
મોરબી શહેરમાં રફતારના શોખીનો અને બેફામ વાહનચાલકો જાણે બેકાબૂ બન્યા હોય તેમ સતત બીજા દિવસે એક ગંભીર અકસ્માતની ઘટના સામે આવી છે. મોડી સાંજે વાવડી ચોકડી નજીક એક કારચાલકે ઓટો રિક્ષાને જોરદાર ટક્કર મારતા વાવડી ગામના એક વૃદ્ધાનું કરુણ મોત નીપજ્યું છે. આ ઘટનાને પગલે સ્થાનિકોમાં અરેરાટી સાથે તંત્ર સામે ભારે આક્રોશ જોવા મળી રહ્યો છે.
વાવડી ચોકડી નજીક, મોરબી.સોઢા ભાનુબેન દિલીપભાઈ (ઉંમર વર્ષ: 60), રહેવાસી: વાવડી ગામના મહિલા ના મોત નિપજ્યું મોડી સાંજે જામનગર પાસિંગની એક બેફામ સ્પીડે આવતી કારના ચાલકે ઓટો રિક્ષાને જોરદાર હડફેટે લીધી હતી. આ અકસ્માતમાં રિક્ષામાં સવાર ભાનુબેનને ગંભીર ઈજાઓ પહોંચતા તેમનું ઘટનાસ્થળે જ અથવા સારવાર દરમિયાન મોત નીપજ્યું હતું.
સતત બીજા દિવસે અકસ્માત: પોલીસ કામગીરી સામે સવાલો ઉલ્લેખનીય છે કે હજુ ગઈકાલે જ સનાળા રોડ પર એક વૃદ્ધ કારચાલકે બેફામ ડ્રાઇવિંગ કરીને ત્રણ અલગ-અલગ જગ્યાએ અકસ્માતો સર્જ્યા હતા, ત્યાં જ આજે બીજા દિવસે આ જીવલેણ અકસ્માત સામે આવ્યો છે.
“રાજ્યમાં કડક દારૂબંધીના દાવાઓ વચ્ચે રાત્રિના સમયે આવા બેફામ વાહનચાલકો કયા નશામાં કે કોના જોરે રસ્તા પર કાળ બનીને દોડે છે?” તેવા સવાલો લોકો ઉઠાવી રહ્યા છે. સતત વધતી અકસ્માતની ઘટનાઓએ મોરબી ટ્રાફિક પોલીસ અને રાત્રિ પેટ્રોલિંગની પોલ ખોલી નાખી છે.
ઘટનાની જાણ થતાં જ પોલીસ કાફલો સ્થળ પર દોડી ગયો હતો અને મૃતદેહને પીએમ અર્થે ખસેડી આગળની કાર્યવાહી હાથ ધરી હતી. હાલમાં પોલીસે જામનગર પાસિંગની કાર અને તેના ચાલક વિરૂદ્ધ ગુનો નોંધીને વધુ તપાસ શરૂ કરી છે. પરંતુ, સ્થાનિકોની માંગ છે કે માત્ર ગુનો નોંધવાને બદલે આવા નબીરાઓ સામે કડકમાં કડક દાખલારૂપ કાર્યવાહી કરવામાં આવે.
