HALVAD:હળવદ ચરાડવા ગામની બંધ ઓરડીમાંથી ઇંગ્લિશ દારૂનો જથ્થો ઝડપાયો, આરોપી ફરાર
HALVAD:હળવદ ચરાડવા ગામની બંધ ઓરડીમાંથી ઇંગ્લિશ દારૂનો જથ્થો ઝડપાયો, આરોપી ફરાર
હળવદ તાલુકા પોલીસ મથકના સ્ટાફે પેટ્રોલિંગ દરમિયાન મળેલી ચોક્કસ બાતમીના આધારે ચરાડવા ગામમાં દરોડો પાડીને વિદેશી દારૂનો જથ્થો ઝડપી પાડવામાં સફળતા મેળવી છે. પોલીસે સ્થળ પરથી રૂપિયા 6 હજારની કિંમતનો મુદ્દામાલ જપ્ત કરી આગળની કાયદેસરની કાર્યવાહી હાથ ધરી છે.
પોલીસ સૂત્રો પાસેથી મળતી માહિતી મુજબ, હળવદ તાલુકા પોલીસની ટીમ વિસ્તારમાં પેટ્રોલિંગમાં હતી. તે દરમિયાન ખાનગી રાહે બાતમી મળી હતી કે ચરાડવા ગામમાં દારૂનો જથ્થો છુપાવવામાં આવ્યો છે. બાતમીના આધારે પોલીસે તાત્કાલિક ચરાડવા ગામમાં આવેલી કુલદીપ કેશાભાઈ વાઘેલાની કબજા-ભોગવટાની એક બંધ ઓરડીમાં દરોડો પાડ્યો હતો.ઓરડીની તલાશી લેતા તેમાંથી વેચાણ કરવાના ઇરાદે સંતાડીને રાખવામાં આવેલી વિદેશી (ઇંગ્લિશ) દારૂની કુલ 48 બોટલો મળી આવી હતી. પોલીસે રૂ. 6,000ની કિંમતનો આ તમામ મુદ્દામાલ કાયદેસર રીતે જપ્ત કર્યો છે.પોલીસના દરોડા દરમિયાન આરોપી કુલદીપ વાઘેલા ઘટનાસ્થળે હાજર મળી આવ્યો ન હતો અને ફરાર થઈ જવામાં સફળ રહ્યો હતો. હળવદ તાલુકા પોલીસે આ મામલે ફરાર આરોપી વિરૂદ્ધ પ્રોહિબિશન એક્ટ હેઠળ ગુનો નોંધીને તેને ઝડપી પાડવા માટે ચક્રો ગતિમાન કર્યા છે.
