MORBI:મોરબી લાતીપ્લોટમાં પોલીસનો દરોડો, વિદેશી દારૂ અને બિયરના જથ્થા સાથે મહિલા ઝડપાઈ; અન્ય બે સામે ગુનો દાખલ
MORBI:મોરબી લાતીપ્લોટમાં પોલીસનો દરોડો, વિદેશી દારૂ અને બિયરના જથ્થા સાથે મહિલા ઝડપાઈ; અન્ય બે સામે ગુનો દાખલ
મોરબી સીટી એ ડિવીઝન પોલીસની ટીમે બાતમીના આધારે લાતીપ્લોટ વિસ્તારમાં એક સફળ દરોડો પાડીને ગેરકાયદેસર વિદેશી દારૂ અને બિયરના જથ્થા સાથે એક મહિલા બુટલેગરને ઝડપી પાડી છે. પોલીસે ઘટનાસ્થળેથી કુલ રૂ. ૨૪,૪૨૦ની કિંમતનો મુદ્દામાલ કબજે કર્યો છે અને આ ગુનામાં સંડોવાયેલા અન્ય બે શખ્સો સામે પણ કાયદેસરની કાર્યવાહી હાથ ધરી છે.
મળતી વિગતો મુજબ, મોરબી સીટી એ ડિવીઝન પોલીસ સ્ટેશનની ટીમ વિસ્તારમાં પેટ્રોલિંગ કરી રહી હતી. તે દરમિયાન પોલીસને ચોક્કસ બાતમી મળી હતી કે લાતીપ્લોટ શેરી નંબર-૪માં આવેલી એક રહેણાંક ઓરડીમાં ગેરકાયદેસર દારૂનો જથ્થો છુપાવવામાં આવ્યો છે. બાતમીના આધારે પોલીસે ત્વરિત કાર્યવાહી કરીને ઓરડીમાં દરોડો પાડ્યો હતો.
મુદ્દામાલ અને ધરપકડ પોલીસના દરોડા દરમિયાન રહેણાંક ઓરડીમાંથી:વિદેશી દારૂની બોટલ: ૧૪૭ નંગ ,બિયરના ટીન: ૧૨ નંગ. કુલ કિંમત: રૂ. ૨૪,૪૨૦
પોલીસે આ તમામ મુદ્દામાલ જપ્ત કર્યો છે અને ઘટનાસ્થળેથી મહિલા આરોપી રૂકસાનાબેન ઈમરાનભાઈ સિપાઈ (રહે. લાતીપ્લોટ, મોરબી) ની ધરપકડ કરી લીધી છે.
ઝડપાયેલી મહિલા આરોપીની પ્રાથમિક પૂછપરછમાં આ ગેરકાયદેસર પ્રવૃત્તિમાં અન્ય બે શખ્સો સામેલ હોવાનું સામે આવ્યું હતું. જેમાં:૧. સમીર જુસબ કટીયા (રહે. લાતીપ્લોટ, મોરબી)૨. ઈકબાલભાઈ ઉર્ફે કારો આલમભાઈ કટીયા (રહે. લાતીપ્લોટ, મોરબી) પોલીસે આ બંને શખ્સો વિરૂદ્ધ પ્રોહિબિશન એક્ટ હેઠળ ગુનો નોંધી, તેઓને ઝડપી પાડવા માટે ચક્રો ગતિમાન કર્યા છે અને આગળની વધુ તપાસ હાથ ધરી છે.
