અરવલ્લી | ભિલોડા
અહેવાલ – ભિલોડા
ખેલો ઇન્ડિયા અભિયાન હેઠળ મુનાઈની શેઠ શ્રી ડી.પી. શાહ હાઇસ્કૂલમાં સેપક ટકરાવ સ્પર્ધાનું આયોજન
ભિલોડા તાલુકાના મુનાઈ સ્થિત શેઠ શ્રી ડી.પી. શાહ હાઇસ્કૂલ ખાતે આજે ‘ખેલો ઇન્ડિયા’ અભિયાન અંતર્ગત વિદ્યાર્થીનીઓમાં રમતગમત પ્રત્યે રસ અને શારીરિક તંદુરસ્તી વધારવાના હેતુથી મલેશિયાની લોકપ્રિય રમત સેપક ટકરાવ (Sepak Takraw) સ્પર્ધાનું ભવ્ય આયોજન કરવામાં આવ્યું હતું.સ્પર્ધામાં શાળાની અંદાજે 130 વિદ્યાર્થીનીઓએ ઉત્સાહભેર ભાગ લીધો હતો. ખેલાડીઓએ ટીમો બનાવી રોમાંચક મેચો રમી હતી. તમામ ભાગ લેનાર વિદ્યાર્થીનીઓને ટી-શર્ટ અને હાફ પેન્ટ આપવામાં આવ્યા હતા, જ્યારે વિજેતા ખેલાડીઓને ગોલ્ડ, સિલ્વર અને બ્રોન્ઝ મેડલ તેમજ કપ આપી સન્માનિત કરવામાં આવ્યા હતા.
કાર્યક્રમમાં ગુજરાત રાજ્ય સેપક ટકરાવ એસોસિએશનના સેક્રેટરી વિનુભાઈ બી. દેસાઈ, કારોબારી સભ્ય શૈલેષભાઈ બરંડા, અરવલ્લી જિલ્લા કન્વીનર ગેમરભાઈ કોદરભાઈ પટેલ, મંડળના ઉપપ્રમુખ ધીરુભાઈ પટેલ, ટ્રસ્ટી અતુલભાઈ જીતુભાઈ પટેલ, શાળાના આચાર્ય નરેશકુમાર ડી. પટેલ, વ્યાયામ શિક્ષક સતિષભાઈ દેસાઈ, ગણિત-વિજ્ઞાન શિક્ષક શૈલેષભાઈ પટેલ, અંગ્રેજી શિક્ષક જગુભાઈ, સેવક ભગવાનભાઈ મોતીભાઈ પટેલ, છાત્રાલયના રેક્ટર કિરીટભાઈ તેમજ સ્ટાફ, રેફરીઓ અને આયોજન સમિતિના સભ્યો ઉપસ્થિત રહ્યા હતા.
આ પ્રસંગે શાળાના વિદ્યાર્થી **પાશ્વ વિનુભાઈ ચૌધરી (ગામ: જુમસર)**ની રાજ્ય કક્ષાએ સેપક ટકરાવમાં નોંધપાત્ર સિદ્ધિ બદલ પ્રશંસા કરવામાં આવી. તેઓ આગામી 3 સપ્ટેમ્બર, 2026ના રોજ શ્રીનગર (જમ્મુ-કાશ્મીર) ખાતે યોજાનારી રાષ્ટ્રીય કક્ષાની સ્પર્ધામાં ગુજરાતનું પ્રતિનિધિત્વ કરશે.સ્પર્ધાના અંતે તમામ વિદ્યાર્થીનીઓ માટે ભોજનનું આયોજન કરવામાં આવ્યું હતું. આચાર્ય નરેશકુમાર ડી. પટેલે ભાગ લેનાર તમામ વિદ્યાર્થીનીઓને અભિનંદન પાઠવી તેમના ઉજ્જવળ ભવિષ્ય માટે શુભેચ્છાઓ પાઠવી હતી તેમજ કાર્યક્રમને સફળ બનાવવા માટે સહયોગ આપનાર તમામ મહાનુભાવો અને આયોજકોનો આભાર વ્યક્ત કર્યો હતો.
