દેશભરમાં ચોમાસું ફરી એકવાર રૌદ્ર સ્વરૂપ ધારણ કરી રહ્યું છે. ભારતીય હવામાન વિભાગ (IMD) દ્વારા ઉત્તર ભારત સહિત દેશના 12 રાજ્યોમાં ભારેથી અતિભારે વરસાદ, તીવ્ર વાવાઝોડું અને વીજળી પડવાનું ઓરેન્જ અને રેડ એલર્ટ જાહેર કરવામાં આવ્યું છે. ઉપરી હવાની ચક્રવાતી સિસ્ટમ અને સક્રિય મોન્સૂન ટ્રફના કારણે ઉત્તર, પૂર્વ, મધ્ય અને પશ્ચિમ ભારતમાં વરસાદી પ્રવૃત્તિઓ તીવ્ર બનશે. કેટલાંક વિસ્તારોમાં 60 થી 70 km/h ની ઝડપે પવન ફૂંકાવવાની શક્યતા છે.
સમગ્ર દિવસ દરમિયાન વાદળછાયું વાતાવરણ રહેશે અને ગાજવીજ સાથે વરસાદના અનેક રાઉન્ડ આવી શકે છે. 30 થી 40 km/h ની ઝડપે પવન ફૂંકાવાની શક્યતા છે.
પશ્ચિમી, મધ્ય અને પૂર્વીય UP ના સહરાનપુર, મેરઠ, મુઝફ્ફરનગર, બિજનોર, કાનપુર, લખનૌ, અમેઠી, વારાણસી, પ્રયાગરાજ, બહરાઇચ અને કુશીનગર સહિત અનેક જિલ્લાઓમાં ભારે પવન સાથે વરસાદ થશે.
સીમાંચલ અને ઉત્તર બિહારના કિશનગંજ, અરીરિયા, સુપૌલ, પૂર્ણિયા, કટિહાર, દરભંગા, મધુબની અને પટના સહિત અનેક વિસ્તારોમાં મૌસમનો ભારે વરસાદ અને વીજળી પડવાની આશંકા છે.
દેહરાદૂન, નૈનીતાલ, ચંપાવત, ટિહરી, પીથોરાગઢ તેમજ કાંગડા, મંડી, કુલ્લુ, ચંબા, શિમલા અને હમીરપુરમાં મુસળધાર વરસાદથી ભૂસ્ખલન અને રસ્તાઓ બંધ થવાનું જોખમ રહેલું છે.
પૂર્વીય અને ઉત્તરીય વિસ્તારોમાં ગાજવીજ સાથે 50 થી 60 km/h ની ઝડપે પવન ફૂંકાશે અને નિચાણવાળા વિસ્તારોમાં જળબંબાકાર થવાની ભીતિ છે.
હોશિયારપુર, મોહાલી, પટિયાલા, લુધિયાણા, અમૃતસર સહિત ઝારખંડના ઉત્તરીય જિલ્લાઓ અને કાશ્મીરના જમ્મુ, શ્રીનગર, બારામુલ્લા, ડોડામાં ભારે વરસાદ અને વાવાઝોડું આવી શકે છે.
પહાડી વિસ્તારોમાં ભૂસ્ખલન અને ફ્લેશ ફ્લડ તથા મેદાની વિસ્તારોમાં જળભરાવની આશંકાને ધ્યાનમાં રાખીને મુસાફરી કરનારા લોકોને હવામાનની સ્થિતિ તપાસીને જ બહાર નીકળવા સલાહ આપવામાં આવી છે.
