વાત્સલ્યમ્ સમાચાર,
પૂજા ઠક્કર – મુંદરા કચ્છ.
વિદ્યાસહાયક ભરતી (ધોરણ ૧ થી ૫) માં કાયદાકીય સત્યતાની જીત નિશ્ચિત : ખોટી લાલચ અને અફવાઓ વચ્ચે સત્ય અને લાયક ઉમેદવારોનો વિજય થશે?
મુંદરા, તા.૫:
ગુજરાત રાજ્ય પ્રાથમિક શિક્ષણ પસંદગી સમિતિ દ્વારા બહાર પાડવામાં આવેલ વિદ્યાસહાયક ભરતી (ધોરણ ૧ થી ૫)માં ટેટ-૧ ની પરીક્ષા અને ભરતી પ્રક્રિયાને લઈને કેટલાક અહિતધારકો દ્વારા ફેલાવવામાં આવતી અફવાઓ અને નામદાર હાઈકોર્ટમાં કરાયેલી અરજીઓ અંગેનું કાયદાકીય પૃથ્થકરણ અને સત્ય વિગતો જાહેર જનતા અને ઉમેદવારોના હિતમાં રજૂ કરવામાં આવે છે.
1. ભરતીના નિયમો અને અનામતની કાયદાકીય મર્યાદા (Reservation Cap & Merit Rules)
* અનામતની ૫૦% મર્યાદા: ભારતની સર્વોચ્ચ અદાલતના ઇન્દિરા સાહની કટોકટી કેસ અને બંધારણીય જોગવાઈઓ મુજબ કુલ ભરતીમાં અનામત વર્ગની ટકાવારી ૫૦% થી વધી શકે નહીં.
* ગ્રેસિંગ અને ગુણાંકન: નાપાસ થયેલા (૮૨ થી ઓછા ગુણ ધરાવતા) ઉમેદવારો દ્વારા ૧૮ થી વધુ પ્રશ્નોના જવાબો સુધારવાની કે ગ્રેસિંગ માર્ક્સ મેળવવાની જે માંગણી કરવામાં આવી છે તે કાયદાકીય રીતે ટકવા પાત્ર નથી. જો કોઈ ઉમેદવારને કાયદાની બહાર જઈને ગ્રેસિંગ આપવામાં આવે તો સમાનતાના અધિકાર (ભારતીય બંધારણની કલમ ૧૪) મુજબ તમામ ઉમેદવારોને તેનો લાભ આપવો પડે જેનાથી પણ નાપાસ ઉમેદવારોનું જનરલ મેરિટમાં સ્થાન પાછળ જ રહેવા પામે તેમ છે.
2. કાયદાકીય કેસ (SCA 3005/2026) અને વકીલોની ગેરહાજરીનું સાચું કારણ :
* કેસ લંબાવવાની નીતિ (Dilation Tactics) : જુલાઈ માસમાં સતત તારીખો (૬, ૧૩, ૨૦, ૨૨, ૨૪, ૨૮, ૩૧ જુલાઈ) પડવા છતાં અને ત્યારબાદ પણ કૌર્ટ બોર્ડ પર કેસ હોવા છતાં ફરિયાદ પક્ષના વકીલોની ગેરહાજરી એ સ્પષ્ટ કરે છે કે કાયદાકીય દ્રષ્ટિએ કેસમાં કોઈ દમ નથી.
* આર્થિક શોષણ અને ખોટી આશા: ઉમેદવારો પાસેથી મોટા ભંડોળ એકત્ર કરીને વિલંબ કરાવવાના નીતિ-રીતિ સામે હવે ખુદ અરજદારો પણ જાગૃત થઈ રહ્યા છે. કાયદાકીય જોગવાઈ મુજબ જો કોઈ અરજદાર પોતાનો કેસ સ્વેચ્છાએ પાછો ખેંચવા માંગતો હોય તો તે નામદાર અદાલત સમક્ષ સીધી રજૂઆત કરી શકે છે.
3. સરકારનો LPA (Letters Patent Appeal) સાથે PML જાહેર કરવાનો મક્કમ નિર્ણય :
* સરકારનો માસ્ટર સ્ટોક (LPA) : સિંગલ જજના વચગાળાના આદેશના કારણે સમગ્ર ભરતી પ્રક્રિયાનું પ્રોવિઝનલ મેરિટ લિસ્ટ અટકી જતાં સરકારે હાઈકોર્ટની ડિવિઝન બેન્ચ સમક્ષ LPA દાખલ કરીને સ્ટે મેળવવાની દિશામાં મજબૂત પગલું ભર્યું છે.
* શિક્ષણના જાહેર હિત માટે કોર્ટ લઈ શકે છે નિર્ણય : ૩૧ જુલાઈના રોજ ફાઈનલ થયેલા રોસ્ટર રજિસ્ટર મુજબ રાજ્યની શાળાઓમાં ૧૮,૦૦૦ થી વધુ ખાલી જગ્યાઓ સામે ૧૧,૦૦૦ ની ભરતી પૂરી કરવી અત્યંત આવશ્યક છે. ૦૭/૦૮/૨૦૨૬ ની સુનાવણીમાં જો પિટિશનર પક્ષ ગેરહાજર રહેશે તો નામદાર અદાલત સ્ટે આપીને PML જાહેર કરવાનો એકતરફી હુકમ કરે એવી પુરી શક્યતા છે.
4. સોશિયલ મીડિયા પર અફવાઓ અને ઉશ્કેરણી સામે કાયદાકીય ચેતવણી
* આઈ.ટી. એક્ટ ૨૦૦૦ હેઠળ કાર્યવાહી: કેટલીક યુટ્યુબ ચેનલો અને ટ્યુશન કલાસીસ દ્વારા ઉમેદવારોને ગાંધીનગર ખાતે એકત્ર થવા કે ઉશ્કેરવા અંગે જે અફવાઓ ફેલાવવામાં આવી રહી છે, તે ભારતીય ન્યાય સંહિતા અને આઈ.ટી. એક્ટની કલમ ૬૬-ડી હેઠળ ગુનાહિત કૃત્ય બને છે.
* હેલ્પલાઇન અને સત્તાવાર વિગત: ભરતી બોર્ડની હેલ્પલાઇન પર ગેરવર્તણૂક કરવી કે ભ્રામક રેકોર્ડિંગ વાયરલ કરવા બદલ સંબંધિત તત્વો સામે કાયદાકીય પગલાં લેવાઈ શકે છે. તમામ ઉમેદવારોને સરકારની સ્થાયી સૂચના મુજબ માત્ર સત્તાવાર વેબસાઈટ પરની સૂચનાઓ પર જ વિશ્વાસ રાખવા અપીલ કરવામાં આવે છે.
🎯 અંતિમ નિષ્કર્ષ અને અપીલ:
નામદાર ગુજરાત હાઈકોર્ટમાં સત્યની જીત નિશ્ચિત છે. ૦૭ ઓગસ્ટના રોજ થનારી સુનાવણી બાદ તમામ કાયદાકીય અવરોધો દૂર થઈ જશે અને ૧૦,૦૦૦ થી વધુ ભાવિ શિક્ષકોને ટૂંક સમયમાં જ નિમણુંક પત્ર (સંભવિત આગામી ૧૫મી ઓગસ્ટ) મળે અને શિક્ષકની રાહ જોઈ રહેલા 3 લાખ જેટલા વિદ્યાર્થીઓ સાથે સ્વાતંત્ર્ય પર્વના પવિત્ર દિવસે મુખ્યમંત્રીની હાજરીમાં ઝંડો ફરકાવે એવી વાલીઓ અપેક્ષા રાખી રહ્યા છે.
વાત્સલ્યમ્ સમાચારમાં મુંદરા-કચ્છના સમાચાર/જાહેરાત આપવા માટે સંપર્ક કરો :
-પુજા ઠક્કર,
9426244508,
ptindia112@gmail.com
