કાંકરેજ તાલુકાના થરા માર્કેટયાર્ડ ની ચેરમેન-વાઈસ ચેરમેનની ચૂંટણી યોજાઈ.
ચેરમેન તરીકે તાલુકા ભાજપના પૂર્વ પ્રમુખ ઈશ્વરભાઈ પટેલ તેમજ વાઈસ ચેરમેન તરીકે કિરીટકુમાર અખાણીની વરણી કરાઈ.
કાંકરેજ તાલુકાના થરા માર્કેટયાર્ડ ની ચેરમેન-વાઈસ ચેરમેનની ચૂંટણી યોજાઈ.
—————————————————————–
ચેરમેન તરીકે તાલુકા ભાજપના પૂર્વ પ્રમુખ ઈશ્વરભાઈ પટેલ તેમજ વાઈસ ચેરમેન તરીકે કિરીટકુમાર અખાણીની વરણી કરાઈ.
——————————————————————
કાંકરેજ તાલુકાના વહેપારી મથક થરા માર્કેટ યાર્ડની સામાન્ય ચૂંટણી જૂન મહિનામાં યોજાઈ હતી.તેમાં ભાજપના વરિષ્ઠ આગેવાન અને સહકારી નેતા અણદાભાઈ પટેલ ની પેનલને મેન્ડેટ ન મળતા તેમણે ભાજપના આગેવાનોની પેનલ બનાવી પરિવર્તન પેનલ ના ઈશ્વરભાઈ પટેલે સામે ચૂંટણી લડી હતી.તેમાં પરિવર્તન પેનલ બહુમતીથી વિજેતા બાદ ચેરમેન વાઈસ ચેરમેનની ચૂંટણી થઈ શકી નહોતી જેની તા.૦૮/૦૯/૨૦૨૫ ને સોમવારે ચૂંટણી યોજાતા પાટણ અને બનાસકાંઠાના જિલ્લા રજિસ્ટર અને ચૂંટણી અધિકારી તેમજ બનાસબેંકના ચેરમેન ડાયાભાઈ પીલીયાતર,થરા સ્ટેટ માજી રાજવી એવમ થરા નગર પાલિકા પૂર્વપ્રમુખ પૃથ્વીરાજસિંહ વાઘેલા,પૂર્વ ઉપપ્રમુખ વસંતજી ઘાંઘોસ,બ.કાં.જિલ્લા ભાજપ પૂર્વમહામંત્રી ભારતસિંહ ભટેસરીયા,કાંકરેજ તાલુકા ભાજપ પ્રમુખ નટુભાઈ પટેલ સહિતની હાજરીમાં ચૂંટણી યોજાતા તેમાં ખેડૂત વિભાગમાંથી ડિરેક્ટર બનેલા ઈશ્વરભાઈ પટેલ ને ચેરમેન અને વાઈસ ચેરમેન તરીકે કિરીટકુમાર અખાણીને વિજેતા જાહેર કરવામાં આવ્યા હતા.ચેરમેન તરીકે વિજેતા થનાર ઉમેદવાર ઈશ્વરભાઈ પટેલ તાલુકા ભાજપ કાંકરેજના બે ટર્મ પ્રમુખ રહી ચૂક્યા છે.અને પૂર્વ ચેરમેન અને સહકારી આગેવાન અણદાભાઈ પટેલના ખાસ ટેકેદાર હતા.પરંતુ રાજકીય સમીકરણો બદલાતા તેમના હરીફ બની ગયા છે.જયારે વાઈસ ચેરમેન વિજેતા થનાર કિરીટકુમાર અખાણી થરા નગર પાલિકા માં પ્રમુખ રહી ચૂક્યા છે. અને વેપારી વિભાગમાંથી થરા માર્કેટમાં ડિરેક્ટર ચૂંટાયા હતા. તેમના પત્ની પણ નગર પાલિકામાં પ્રમુખ રહી ચૂક્યા છે.થરા માર્કેટ ની ચૂંટણીમાં કોઈ અનિચ્છનીય બનાવ ન બને તે માટે થરા પોલિસ દ્વારા કડક પોલીસ બંદોબસ્ત ગોઠવવામાં આવ્યો હતો. વિજેતા બનનાર ચેરમેન વાઈસ ચેરમેનને શ્રી કાંકરેજ તાલુકા ક્ષત્રિય ઠાકોર સમાજ કેળવણી મંડળ થરાના પ્રમુખ ભુપતજી મકવાણા,સી.વી. ઠાકોર,કનુભાઈ ઠક્કર, બાબુભાઈ ચૌધરી ભાવનગર,ડૉ.બાબુભાઈ ચૌધરી શિક્ષક,બાબુભાઈ ખસા, એડવોકેટ અશ્વિનભાઈ શાહ, અખાભાઈ પટેલ,તેજાભાઈ દેસાઈ,રમેશભાઈ જોષી,ગોવિંદભાઈ જોષી જામપુર,શરદભાઈ સાંપરીયા, રામજીભાઈ પરમાર સહીત તેમના સમર્થકોએ ફુલહાર પહેરાવી શાલ ઓઢાડી મ્હોં મીઠું કરાવી શુભકામનાઓ પાઠવી હતી .
નટવર કે. પ્રજાપતિ, થરા
મો. 99795 21530
