તા.૨૧/૨/૨૦૨૫
વાત્સલ્યમ્ સમાચાર
Rajkot: મોટર કાર પ્રકારના વાહનો માટે GJ 03 PD સિરીઝના ગોલ્ડન-સિલ્વર નંબરો માટે રી-ઓક્શન તા.૨૮/૦૨/૨૦૨૫થી શરૂ કરવામાં આવનાર છે. આ પ્રકારના ગોલ્ડન નંબરો તથા સિલ્વર નંબરો (પસંદગીના નંબરો) મેળવવા ઇચ્છતા વાહન માલિકોએ parivahan.gov.in/fancy પર ઓનલાઇન અરજી કરવાની રહેશે.
ગોલ્ડન, સિલ્વર નંબરો મેળવવા માટે તા.૨૮/૦૨/૨૦૨૫થી સાંજે ૪:૦૦ કલાકથી તા.૦૩/૦૩/૨૦૨૫ સાંજે ૪:૦૦ કલાક સુધી ઓનલાઇન એપ્લિકેશન કરાવાની રહેશે તથા તા.૦૩/૦૩/૨૦૨૫થી તા. ૦૫/૦૩/૨૦૨૫ના સાંજના ૦૪:૦૦ કલાક સુધી ઓનલાઇન બિડીંગ પ્રક્રિયા પૂર્ણ થયા બાદ તા. ૦૫/૦૩/૨૦૨૫ના રોજ કચેરીમાં ફોર્મ જમા કરાવવાના રહેશે.
ઓનલાઇન ઑક્શનમાં ભાગ લેનાર અરજદારે મુખ્ય કામગીરી કરવાની રહેશે તે માટે parivahan.gov.in પર નોંધણી,યુઝર આઇડી, પાસવર્ડ તૈયાર કરવા હરાજીની પ્રક્રિયામાં ભાગ લેવો, ચુકવણું કરવું અને વાહન નંબર મેળવવો. અરજદારે હરાજીની પ્રક્રિયા પુર્ણ થયાના પ (પાંચ) દિવસમાં નાણાં જમા કરાવવાના રહેશે. ઓકશનમાં ભાગ લેવા માટે વાહન વેચાણ તારીખથી સાત દિવસ સુધીમાં CNA ફોર્મ ઓનલાઇન ભરેલ હોવું જરૂરી છે, તેમ પ્રાદેશિક વાહન વ્યવહાર અધિકારીની કચેરી, રાજકોટની યાદીમાં જણાવાયું છે.
