અહેવાલ
અરવલ્લી :હિતેન્દ્ર પટેલ
લ્યો બોલો… રાજ્ય કક્ષાના મંત્રી ભીખુસિંહ પરમારના માદરે વતન ચારણવાડામાંથી જ સી.આઈ.ડી. ની ટીમે મોટી માત્રામાં ગાંજાનો જથ્થો ઝડપી પાડ્યો, ટીંટોઈ પોલીસ ઉંગમાં..?
અરવલ્લી જિલ્લામાં કાયદો અને વ્યવસ્થા સામે સવાલો થાય તેવા અનેક બનાવો સામે આવી રહ્યા છે ત્યારે ટીંટોઇ પોલીસ સ્ટેશન વિસ્તારમાં છેલ્લા કેટલાક સમયથી ચોરી, હત્યા, મારા- મારી, વિદેશી દારૂની હેરાફેરીમાં વધારો થઈ રહ્યો છે. ટીંટોઇ પોલીસ સ્ટેશન વિસ્તારના નાક નીચેથી સીઆઇડી ક્રાઇમની ટીમે મોટી માત્રાનો ટીંટોઇ પોલીસની હદમાં આવેલ ચારણવાડા જામાપુર ગામની સીમમાં અડધા વિગા ખેતરમાં કપાસના પાકની આડમાંથી ૧.૬૦ લાખ નો ગાંજો ઝડપી પાડ્યો હતો.
નાર્કોટીક્સ સેલ સીઆઇડી ક્રાઇમ ગાંધીનગર પીએસઆઇ પી.એમ.પટેલે નોંધાવેલી ફરિયાદમાં જણાવ્યા મુજબ, તેઓને ખાનગી રાહે બાતમી મળી હતી કે મોડાસા તાલુકાના ચારણવાડા ગામે રહેતા ભવાનજી અમરાજી પરમાર જામાપુર ગામની સીમમાં આવેલ અડધા વિધા કપાસના ખેતરમાં ગેરકાયદેસર ગાંજાના છોડનું વાવેતર કરેલા જામાપુર ખેતરમાં ત્રાટકી હતી અને તપાસ કરતા કપાસની આડમાં ગેરકાયદેસર વનસ્પતિજન્ય માદક પદાર્થ ગાંજાના છુટા છવાયા છોડ કુલ નંગ-૭ વજન-૧૬,૬૦૦/- કિલોગ્રામ ની કુલ કિંમત રૂ.૧,૬૦,૬૦૦/- નો મુદ્દામાલ કબ્જે કર્યો હતો. આ સાથે ખેતરની માટીના સેમ્પલ પણ તપાસ માટે લીધા હતા. આ રેઇડ દરમિયાન ખેતર માલિક ફરાર થઇ ગયો હતો જેથી આ અંગે ટીંટોઇ પોલીસ સ્ટેશનમાં ભવાનજી અમરાજી પરમાર રહે. ચારણવાડા તા. મોડાસા નાઓ વિરૂદ્ધ ધી એનડીપીએસ એકટની કલમ-૨૦ હેઠળ ગુનો નોંધી ફરાર આરોપીને ઝડપી પાડવા વધુ તપાસ હાથ ધરી હતી.
