વાત્સલ્યમ સમાચાર
મદન વૈષ્ણવ
ડાંગ જિલ્લાનાં સુબિર તાલુકાનાં સિંગાણા ગામમાં તા.04/05/2025 રવિવારનાં રોજ વિશ્વ હિન્દુ પરિષદ સેવા વિભાગ પ્રેરિત અને ભારતીય સેવા ટ્રસ્ટ દ્વારા સંચાલિત દુર્ગારૂપી બહેનો માટે શ્રીરામ સીવણ પ્રશિક્ષણ કેન્દ્રનો ભવ્ય શુભારંભ થયો હતો.ભારતીય પરંપરા અનુસાર માં ભારતી સમક્ષ દીપ પ્રાગટ્ય અને ઓમકારના પવિત્ર ધ્વનિ સાથે આ કાર્યક્રમની શરૂઆત કરવામાં આવી હતી.આ શુભ અવસરે 35 જેટલી દુર્ગારૂપી બહેનોએ આ સીવણ પ્રશિક્ષણ કેન્દ્રમાં પ્રવેશ મેળવ્યો હતો.આ કેન્દ્ર બીજેએસએસ સિંગાણા ગામની શાળામાં શરૂ કરવામાં આવ્યું છે,જ્યા અરુણાબેન આ બહેનોને સીવણની તાલીમ આપશે.
આ કાર્યક્રમમાં ગામના અગ્રણી રાવજીભાઈ મુખ્ય અતિથિ તરીકે ઉપસ્થિત રહ્યા હતા.આ ઉપરાંત, એનએમઓ ના ક્ષેત્ર મંત્રી ડોક્ટર નરેન્દ્રભાઈ પાલીવાલજી, દક્ષિણ ગુજરાત પ્રાંતના પ્રાંત સેવા પ્રમુખ હિતેશ જૈન એડવોકેટ, પ્રાંતના સહ સેવા પ્રમુખ ગોપાલજી ચાવડા, વિશ્વ હિન્દુ પરિષદના ડાંગ મંત્રી રવિભાઈ સૂર્યવંશી, સહમંત્રી ભુપેન્દ્રભાઈ કુંવર, સહમંત્રી મીતેશભાઈ ચોર્યા, બજરંગ દળ સંયોજક ડાંગ પ્રીતભાઈ પથરીયા, ગૃહપતિ મિતેશભાઇ તેમજ રાજેશભાઈ, સંસ્કાર શાળાઓની સંચાલિકામાં રવિનાબેન ગામીત અને અન્ય વાલીઓ તેમજ મોટી સંખ્યામાં ગ્રામજનો આ પવિત્ર કાર્યમાં સહભાગી બન્યા હતા.આ સીવણ પ્રશિક્ષણ કેન્દ્ર શરૂ કરવાનો મુખ્ય હેતુ દુર્ગારૂપી બહેનોને આત્મનિર્ભર બનાવવાનો છે, જેથી તેઓ પોતાના પગ પર ઊભા રહી શકે અને સ્થાયી આવક મેળવી શકે. આ પહેલથી શીંગાણા વિસ્તારની મહિલાઓમાં નવી આશા અને ઉત્સાહનો સંચાર થયો છે. અહી ઉપસ્થિત મહાનુભાવોએ આ કાર્યને બિરદાવ્યું હતુ અને બહેનોને શુભેચ્છાઓ પાઠવી હતી..
