20 જુલાઈ જીતેશ જોષી પાલનપુર બનાસકાંઠા
બનાસકાંઠા ડિસ્ટ્રિક્ટ કેળવણી મંડળ સંચાલિત આર. આર. મહેતા કોલેજ ઓફ સાયન્સ એન્ડ સી. એલ. પરીખ કોલેજ ઓફ કોમર્સ, પાલનપુરમાં નેચર ક્લબ તથા બોટની ડિપાર્ટમેન્ટના સંયુક્ત ક્રમે “નેચર કન્ઝર્વેશન: એન્ એથીકલ પ્રોસ્પેક્ટીવ” વિષય પર સેમિનારનું આયોજન કરવામાં આવ્યું. સેમિનારની શરૂઆત સમૂહ પ્રાર્થનાથી કરવામાં આવી. કાર્યક્રમ દરમિયાન વિદ્યાર્થીઓને નેચર ક્લબના કન્વીનર તથા ઝુલોજી વિભાગના વડા ડૉ. સુરેશભાઈ પ્રજાપતિ દ્વારા વક્તા તરીકે વિષયાંગને પૂરો ન્યાય અપાયો કે જેમાં તેમણે પ્રકૃતિના જૈવિક અને અજૈવિક ઘટકોને આપણે રોજિંદા જીવનમાં કઈ રીતે નાની નાની બાબતોને અમલમાં મૂકીને સંરક્ષિત કરી શકાય તેના પર સવિશેષ ઉદાહરણ સહિત ભાર મૂક્યો. કાર્યક્રમ દરમિયાન સંસ્થાના પ્રિન્સિપલ ડૉ.યોગેશભાઈ ડબગરના પરોક્ષ આર્શીવચન રહ્યા. કાર્યક્રમમાં બોટની વિભાગના વડા ડૉ. મુકેશભાઈ પટેલ, ડૉ. શીતલબેન ચૌધરી, ડૉ.હરેશભાઈ ગોંડલીયા, ડૉ .ધ્રુવ પંડ્યા ઉપસ્થિત રહ્યા. સમગ્ર કાર્યક્રમનું સંચાલન બોટની વિભાગના સહાયક પ્રાધ્યાપક ડૉ. ધ્રુવ પંડ્યા દ્વારા કરવામાં આવ્યું. કાર્યક્રમની આભારવિધિ ડૉ. હરેશ ગોંડલીયા દ્વારા કરવામાં આવી. કાર્યક્રમનો અંત સમૂહ રાષ્ટ્રગીત દ્વારા કરવામાં આવ્યો. 
