વાત્સલ્યમ સમાચાર
મદન વૈષ્ણવ
ડાંગ જિલ્લાનાં ગામડાઓમાં “શ્રી ગણેશા,શ્રી ગણેશા”,”ગણપતિ બાપા મોરયા પુડલ્યા વરસી લવકર યા”નાં નાદોથી સમગ્ર વાતાવરણ ગુંજી ઉઠ્યુ..સાપુતારા 06-09-2025 ડાંગ જિલ્લાનાં ગામડાઓમાં ગણેશ ચતુર્થીનાં ઉત્સવનું હર્ષોઉલ્લાસ પૂર્વક સમાપન થયુ છે.ડાંગ જિલ્લાનાં ગામડાઓમાં ગણેશ ભક્તો દ્વારા શ્રીજીની પ્રતિમાઓને નજીકનાં નદી,વહેળા અને તળાવોમાં વાજતે ગાજતે વિસર્જન કર્યુ હતુ.ડાંગ જિલ્લાનાં અનેક ગામોમાં ભક્તોએ ભારે ઉત્સાહ સાથે શ્રીજીની પ્રતિમાઓને વિદાય આપી હતી.ડાંગ જિલ્લાનાં આહવા,સુબિર,સાપુતારા, શામગહાન, ગલકુંડ, બોરખલ, ચીંચલી, ગારખડી, પીપલદહાડ, સિંગાણા, કાલીબેલ, ભેંસકાતરી, પીંપરી, મહાલ, બરડીપાડા, સાકરપાતળ, વઘઇ સહિતનાં અનેક ગામોમાં ગણેશ વિસર્જન શાંતિપૂર્ણ રીતે સંપન્ન થયુ હતુ.ગણેશ વિસર્જન દરમિયાન કોઈ અનિચ્છનીય ઘટના ન બને તે માટે ડાંગ જિલ્લા પોલીસ દ્વારા ચુસ્ત બંદોબસ્ત ગોઠવવામાં આવ્યો હતો.આહવા પોલીસ મથક વિસ્તારમાં પી.આઈ.એમ.જી.ઢોડીયા તથા સાઈબર ક્રાઈમ પી.આઈ. આર. એસ.પટેલની ટીમ, સુબિર પોલીસ મથક વિસ્તારમાં પી.આઈ.ડી.કે ચૌધરીની ટીમ,સાપુતારા પોલીસ મથક વિસ્તારમાં પી.આઈ.પી.ડી.ગોંડલિયાની ટીમ અને વઘઇ પોલીસ મથક વિસ્તારમાં પી.આઈ.વી.કે.ગઢવીની ટીમોએ ગ્રામ્ય વિસ્તારોમાં પેટ્રોલિંગ કરીને સુરક્ષા સુનિશ્ચિત કરી હતી.જોકે ગણેશ વિસર્જન પહેલા જ ડાંગ જિલ્લાનાં ઉપરવાસમાં ભારે વરસાદ પડ્યો હતો, જેના કારણે નદીઓની જળસપાટીમાં વધારો થયો હતો.આ પરિસ્થિતિને ધ્યાનમાં રાખીને ડાંગ જિલ્લા પોલીસ વડા પૂજા યાદવનાં માર્ગદર્શન હેઠળ નાયબ પોલીસ અધિક્ષકોમાં જયદીપ સરવૈયા અને જનેશ્વર નલવૈયા દ્વારા ત્રણેય તાલુકાનાં ગામડાઓનાં ગણેશ મંડળો અને ભક્તોને વહેલી તકે વિસર્જન કરી લેવા માટેની અપીલ કરી હતી, જેથી કોઈ પણ પ્રકારનો ખતરો ટાળી શકાય.આ સાથે જ ડાંગ પોલીસ વિભાગ દ્વારા સુરક્ષાને લઈને કેટલીક મહત્ત્વની સૂચનાઓ પણ આપી હતી.ડાંગ જિલ્લામાં ભક્તોને તેમની શ્રીજીની પ્રતિમાઓ નદીમાં જાતે વિસર્જન કરવાને બદલે, નદી કિનારે વિસર્જન માટે નિયુક્ત કરવામાં આવેલા તરવૈયાઓને સોંપવા માટે કહેવામાં આવ્યુ હતુ.પોલીસ દ્વારા રોકવામાં આવેલા આ તરવૈયાઓ લાઈફ જેકેટ અને ટ્યુબ જેવી સુરક્ષા સાધનોથી સજ્જ હતા,જેથી વિસર્જનની પ્રક્રિયા સલામત રીતે પૂરી થઈ શકે.ડાંગ જિલ્લામાં ભારે વરસાદની ચેતવણી છતા પણ ગણેશ ભક્તોના ઉત્સાહમાં કોઈ ઘટાડો થયો નહોતો. ભક્તોએ વાજતે ગાજતે, ડીજેના તાલે ગણપતિ બાપા મોરયા, પૂડલ્યા વરસી લવકર યા (આવતા વર્ષે જલ્દી આવજો)નાં નાદો સાથે શ્રીજીને વિદાય આપી હતી.આ નાદોથી સમગ્ર ડાંગનું વાતાવરણ ભક્તિથી ગુંજી ઉઠ્યુ હતુ. ડાંગની નદીઓ, નાળા, વહેળા અને તળાવોમાં ગણેશ વિસર્જન થતા, આખુ નિસર્ગમય વાતાવરણ ભક્તિમય બની ગયુ હતુ.પોલીસ દ્વારા કરાયેલી અપીલને કારણે, મોટાભાગના મંડળોએ વિસર્જનની પ્રક્રિયા વહેલી તકે પૂર્ણ કરી લીધી હતી.ડાંગ જિલ્લા પોલીસની ત્વરિત અને સમયસરની અપીલને કારણે, સમગ્ર ડાંગ જિલ્લામાં ગણેશ વિસર્જનનો કાર્યક્રમ કોઈપણ અવ્યવસ્થા વગર સફળતાપૂર્વક સંપન્ન થયો હતો. ઉપરવાસમાં વરસાદને કારણે નદીઓની સપાટીમાં વધારો થવાથી ડાંગની સાથે સુરત અને નવસારી જિલ્લામાં પણ તેની અસર જોવા મળી શકે છે.જોકે, પોલીસે પરિસ્થિતિ પર સતત નજર રાખી છે અને જરૂરી તમામ પગલાં લેવામાં આવી રહ્યા છે.
