જન્મદિવસની અનોખી ઉજવણી કરતા મને ગમતી શાળા નરસીંગપુરના શિક્ષક રમેશકુમાર બી. ચૌહાણ
*જન્મદિવસની અનોખી ઉજવણી કરતા મને ગમતી શાળા નરસીંગપુરના શિક્ષક રમેશકુમાર બી. ચૌહાણ*
રિપોર્ટર
અમીન કોઠારી મહીસાગર
જન્મદિવસની ઉજવણી સામાન્ય રીતે કેક કાપીને કે અન્ય રીતે કરવામાં આવે છે, ત્યારે મને ગમતી શાળા નરસીંગપુર મુખ્ય પ્રાથમિક શાળાના શિક્ષક રમેશકુમાર બી. ચૌહાણે પોતાના 46મા જન્મદિવસની અનોખી અને પ્રેરણાદાયી રીતે ઉજવણી કરી.
રમેશકુમાર બી. ચૌહાણે પોતાના જન્મદિવસ નિમિત્તે શાળાના બાળકોને 46 ફળાઉ અને ઔષધિ છોડનું વિતરણ કર્યું હતું. આ પ્રસંગે બાળકોને છોડનું મહત્વ, વૃક્ષોનું પર્યાવરણમાં યોગદાન તથા પ્રકૃતિ સંરક્ષણ અંગે માર્ગદર્શન આપવામાં આવ્યું.
જન્મદિવસની ઉજવણીને માત્ર વ્યક્તિગત ખુશી પૂરતી મર્યાદિત રાખવાને બદલે પર્યાવરણ સંરક્ષણ અને બાળકોમાં વૃક્ષપ્રેમની ભાવના કેળવવાનો સંદેશ આપવાના હેતુથી આ અનોખી પહેલ કરવામાં આવી.
રમેશકુમાર બી ચૌહાણે જણાવ્યું હતું કે, “મારા 46મા જન્મદિવસે 46 છોડનું વિતરણ કરવાનો મુખ્ય ઉદ્દેશ બાળકોમાં પર્યાવરણ પ્રત્યે જાગૃતિ અને વૃક્ષો પ્રત્યે પ્રેમની ભાવના વિકસાવવાનો છે. આજે બાળકોના હાથે વાવવામાં આવતો એક છોડ આવતીકાલે અનેક લોકો માટે જીવનદાયી વૃક્ષ બની શકે છે.”
આ પ્રસંગે શાળાના આચાર્યલખમણભાઈ ખરાડીએ અને શિક્ષકોએ આ પહેલને આવકારી હતી. બાળકોમાં પણ છોડ ઉછેરવા અને તેની જાળવણી કરવાની ભાવના જોવા મળી.
**“46 વર્ષ – 46 છોડ”**ની આ અનોખી પહેલ દ્વારા શ્રી રમેશકુમાર બી. ચૌહાણે જન્મદિવસની ઉજવણીને સામાજિક અને પર્યાવરણલક્ષી સંદેશ સાથે જોડીને અન્ય લોકો માટે પણ પ્રેરણારૂપ ઉદાહરણ પૂરું પાડ્યું છે.
