વાત્સલ્યમ્ સમાચાર.
રિપોર્ટ :- રમેશ મહેશ્વરી – મુન્દ્રા કચ્છ.
મુન્દ્રા,તા-૦૪ ફેબ્રુઆરી : અદાણી પોર્ટ્સ અને સ્પેશિયલ ઇકોનોમિક ઝોન લિમિટેડ (APSEZ) જાન્યુઆરી માસ દરમિયાન અત્યાર સુધીના સૌથી વધુ માસિક કાર્ગો વોલ્યુમ 39.9 MMT (+13 YoY) હેન્ડલ કર્યું.ચાલુ નાણાકીય વર્ષમાં જાન્યુઆરી’25 સુધી APSEZ એ કુલ કાર્ગો (+7% YoY)ના 372.2 MMT હેન્ડલ કરી સીમાચિન્હો સર કર્યા છે. કન્ટેનર હેન્ડલિંગમાં મુંદ્રા બંદરે એક માસ માં 7.72 લાખ કન્ટેનરના સંયુક્ત થ્રુપુટને વટાવીને એટલે કે હેન્ડલિંગ કરી ને એક નવો રાષ્ટ્રીય રેકોર્ડ બનાવ્યો.કન્ટેનર ટર્મિનલ AICTPL એ એક જ મહિનામાં 3.05 લાખ કન્ટેનરો નું સૌથી વધુ હેન્ડલિંગ હાંસલ કર્યું, જે ભારતમાં કોઈપણ એક કન્ટેનર ટર્મિનલ દ્વારા હેન્ડલિંગ કરાયેલ સૌથી વધુ વોલ્યુમ છે.અદાણી મરીન ટીમે 884 જહાજોની મુવમેન્ટ અને 415 જહાજોનું સંચાલન કર્યું. Ahmedabad/Mundra 4 ફેબ્રુઆરી 2025: ભારતની સૌથી મોટી સંકલિત પરિવહન યુટિલિટી અને વૈવિધ્યસભર અદાણી જૂથનો ભાગ એવા અદાણી પોર્ટ્સ અને સ્પેશિયલ ઇકોનોમિક ઝોન લિમિટેડ (APSEZ) જાન્યુઆરી માસ દરમિયાન અત્યાર સુધીના સૌથી વધુ માસિક કાર્ગો વોલ્યુમ 39.9 MMT (+13 YoY) હેન્ડલ કર્યું છે, જેમાં કન્ટેનર (+32% YoY) અને લિક્વિડ અને ગેસ (+18% YoY)નો સમાવેશ થાય છે. ચાલુ નાણાકીય વર્ષ માં જાન્યુઆરી’25 સુધી APSEZ એ કુલ કાર્ગો (+7% YoY) ના 372.2 MMT (+20% YoY) અને લિક્વિડ અને ગેસ (+9% YoY) હેન્ડલિંગ નવા સીમાચિન્હો સર કર્યા છેઆ સાથે જાન્યુઆરી 2025 દરમિયાન મુન્દ્રા બંદર પર કાર્ગો હેન્ડલિંગમાં શ્રેણીબદ્ધ અસાધારણ સીમાચિહ્નો હાંસલ કર્યા છે. જેમના અમુક નેશનલ રેકોર્ડ બનવા પામ્યા છે. વિવિધ પ્રકારના કાર્ગો સેગમેન્ટમાં રેકોર્ડબ્રેક પ્રદર્શન અગ્રણી વૈશ્વિક પોર્ટ અને ભારતના ઈકોનોમી એન્જિન તરીકે અદાણી પોર્ટને રેખાંકિત કરે છે.APSEZ મુન્દ્રાએ 17.20 મિલિયન મેટ્રિક ટનના ઐતિહાસિક માસિક કાર્ગો વોલ્યુમ હાંસલ કર્યું છે, જે અગાઉના 17.11 મિલિયન મેટ્રિક ટનના રેકોર્ડને વટાવી ગયું છે, આ રેકોર્ડ દરિયાઇ વેપારના ઇતિહાસમાં કોઈપણ ભારતીય પોર્ટ દ્વારા અત્યાર સુધીનું સૌથી વધુ છે. આ નોંધપાત્ર સિદ્ધિ બંદરના મજબૂત માળખા, કાર્યકારી કાર્યક્ષમતા અને સતત વધતા કાર્ગો વોલ્યુમને હેન્ડલ કરવાની ક્ષમતા દર્શાવે છે. કન્ટેનર હેન્ડલિંગમાં, મુન્દ્રાએ એક માસ માં 7.72 લાખ કન્ટેનરના સંયુક્ત થ્રુપુટને વટાવીને એટલે કે હેન્ડલિંગ કરી ને એક નવો રાષ્ટ્રીય રેકોર્ડ બનાવ્યો. આ સીમાચિહ્ન કન્ટેનરાઇઝ્ડ કાર્ગો હેન્ડલિંગમાં મુન્દ્રાના પ્રભુત્વ અને વૈશ્વિક સપ્લાય ચેઇનમાં અદાણી પોર્ટની મહત્વપૂર્ણ ભૂમિકા દર્શાવે છે.મુન્દ્રા મરીન ટીમે 884 મુવમેન્ટ સાથે 415 જહાજોનું સંચાલન કર્યું, જે અગાઉના 406 જહાજો અને 876 મુવમેન્ટના રેકોર્ડને વટાવી ગયું હતું. મુન્દ્રા રેલ્વે વિભાગ દ્વારા 1.47 લાખ કન્ટેનરોનું રેકોર્ડ બ્રેક માસિક હેન્ડલિંગ હાંસલ કર્યું, જે 1.44 લાખ કન્ટેનર હેન્ડલિંગના અગાઉના રેકોર્ડને વટાવી ગયું હતું. વધુમાં, રેલ ટીમે બે વધુ રેકોર્ડ બનાવ્યા, જેમાં 662 ટ્રેનોના અગાઉના રેકોર્ડની તુલનામાં અત્યાર સુધીની સૌથી વધુ 682 ટ્રેનોનું સંચાલન કરવામાં આવ્યું, અને 429 ડબલ સ્ટેક ટ્રેનોના અગાઉના રેકોર્ડને વટાવીને અત્યાર સુધીની સૌથી વધુ 447 ડબલ સ્ટેક ટ્રેનો હાંસલ કરવામાં આવી હતી. કન્ટેનર ટર્મિનલ AICTPL એ એક જ મહિનામાં 3.05 લાખ TEUs નું સૌથી વધુ હેન્ડલિંગ હાંસલ કર્યું, જે અગાઉના 3.02 લાખ TEUs ના શ્રેષ્ઠ રેકોર્ડને વટાવી ગયું, જે ભારતમાં કોઈપણ એક કન્ટેનર ટર્મિનલ દ્વારા હેન્ડલિંગ કરાયેલ સૌથી વધુ વોલ્યુમ છે. APSEZ મુન્દ્રા લિક્વિડ ટીમે 0.841 મિલિયન ટન કાર્ગોનો સૌથી વધુ માસિક થ્રુપુટ હાંસલ કર્યો, જે અગાઉના 0.832 મિલિયન ટનના રેકોર્ડને વટાવી ગયો, જ્યારે APSEZ LPG ટીમે એક જ મહિનામાં રેકોર્ડ 1.01 લાખ મેટ્રિક ટન LPG મોકલ્યો.આ નોંધપાત્ર સિદ્ધિઓ ભારતના પોર્ટ એન્ડ શિપિંગ ક્ષેત્રમાં મોખરે અને ભારતના વૈશ્વિક વેપારના મુખ્ય પોર્ટ તરીકે મુન્દ્રાની સ્થિતિ વધુ મજબૂત બનાવે છે. અદાણી પોર્ટે ઓપરેશનલ કાર્યક્ષમતા વધારવા અને વૈશ્વિક વાણિજ્યની સતત વિકસતી માંગને પહોંચી વળવા માટે અત્યાધુનિક માળખાગત સુવિધાઓ, અદ્યતન લોજિસ્ટિક્સ સોલ્યુશન્સ અને ટકાઉ વિકાસ પહેલમાં રોકાણ કરવાનું ચાલુ રાખ્યું છે.વધુ વિગતો માટે જુઓ : www.adaniports.com.
