વાત્સલ્યમ્ સમાચાર.
રિપોર્ટ :- રમેશ મહેશ્વરી – ભુજ કચ્છ.
ભુજ,તા-૦૩ ફેબ્રુઆરી : કચ્છ જિલ્લાના ભુજ ખાતે EDII અમદાવાદ દ્વારા આયોજિત એક માસિક સૂક્ષ્મ કૌશલ્ય ઉદ્યમિતા વિકાસ કાર્યક્રમનો સમાપન સમારોહ યોજાયો હતો, જેમાં તમામ ૫૫ મહિલા લાભાર્થીઓને પ્રમાણપત્રોનું વિતરણ કરવામાં આવ્યું હતું. આ પ્રશિક્ષણ કાર્યક્રમ તા. 18/11/2025 થી 18/12/2025 દરમિયાન યોજાયેલ હતો, જેમાં મહિલાઓને ક્રોસીયા કામ મારફતે વિવિધ પ્રકારના પ્રોડક્ટ્સ બનાવવાની તાલીમ આપવામાં આવી હતી, પ્રશિક્ષક હસ્મિતાબેન કારાતેલા દ્વારા મહિલાઓને વ્યવહારુ અને કુશળતાપૂર્વક ક્રોસીયા કામ ની વિવિધ તકનીકો શીખવી હતી. સમારોહમાં ભારતીય ઉદ્યમિતા વિકાસ સંસ્થાન- EDII ના પ્રોજેક્ટ કો ઓર્ડીનેટર શ્રી દીપક શેખા, શ્રી સચિન મહેશ્વરી, શ્રી શ્રી દેવાંગ સોમપુરા અને શ્રી હેતલ ખેર ઉપસ્થિત હતા જેમાં બહેનોને ઉદ્યમિતા વિકાસ અને તેના અંતર્ગત મળતા લાભો વિષે વિસ્તૃત માહિતી આપવામાં આવી હતી. EDII સ્ટાફ દ્વારા મહિલાઓને સતત સહાયતા અને પ્રોત્સાહન આપવાની ખાતરી આપવામાં આવી હતી જે લોકો પોતાનું ઉદ્યમ શરુ કરવા માંગતા હોય તેવા લોકોનું સરકાર માન્ય ઉદ્યમ નોંધણી, કારીગર કાર્ડ, તેમજ સબસીડી વાળી સરકાર ની યોજના અંતર્ગત સહાય માટે પણ માર્ગદર્શન પૂરું પાડવામાં આવ્યું હતું. તદુપરાંત માર્કેટ ના પડકારો, લોગો, ડિઝાઇન, બ્રાન્ડિંગ, પેકેજીંગ અને ગુણવતા જેવા મહત્વપૂર્ણ પાસાઓ પર પ્રકાશ પાડ્યો હતો.
