દક્ષિણ ગુજરાત અને સૌરાષ્ટ્રમાં 6 દિવસ ભારે વરસાદની આગાહી
સૌરાષ્ટ્ર, ઉત્તર અને દક્ષિણ ગુજરાત સહિતના મોટાભાગ વિસ્તારોમાં ભારેથી અતિભારે વરસાદ વરસી રહ્યો છે. હવામાન વિભાગે આગામી 11 જુલાઈ સુધી ભારે વરસાદની આગાહી કરી છે. તેવામાં હવામાન વિભાગે શનિવારે (5 જુલાઈ) ત્રણ કલાકનું Nowcast જાહેર કર્યું હતું, ત્યારે 5 જિલ્લામાં રેડ ઍલર્ટ કર્યા હતા.
હવામાન વિભાગના Nowcast મુજબ, શનિવારે સાંજે 7 વાગ્યાથી ત્રણ કલાક એટલે કે રાત્રે 10 વાગ્યા સુધીમાં કચ્છ, પાટણ, મોરબી, સાબરકાંઠા, મહેસાણા જિલ્લામાં રેડ ઍલર્ટ જાહેર કર્યા હતા.
હવામાન વિભાગની આગાહી મુજબ, 6 જુલાઈ અમરેલી, ભાવનગર, નવસારી, વલસાડ જિલ્લામાં અતિભારે વરસાદનું ઑરેન્જ અને રાજકોટ, બોટાદ, ગીર સોમનાથ, આણંદ, ભરૂચ, સુરત, તાપી, ડાંગ જિલ્લામાં ભારે વરસાદનું યલો ઍલર્ટ જાહેર કર્યું છે.
7 જુલાઈના રોજ નવસારી અને વલસાડ જિલ્લામાં ઑરેન્જ ઍલર્ટ અને અમરેલી, ભાવનગર, સુરત, તાપી, ડાંગ જિલ્લામાં યલો ઍલર્ટ જાહેર કર્યું છે.
રાજ્યમાં આાગમી 8 થી 11 જુલાઈ સુધીમાં વલસાડ, તાપી, નવસારી, સુરત, ડાંગ, નર્મદા, છોટા ઉદેપુર, દાહોદ, બનાસકાંઠા, સાબરકાંઠા, અરવલ્લી જિલ્લાના છૂટાછવાયા સ્થળોએ ગાજવીજ સાથે ભારે વરસાદને લઈને હવામાન વિભાગે યલો ઍલર્ટ જાહેર કર્યું છે.
