તા.૦૪.૦૮.૨૦૨૫
વાત્સલ્યમ્ સમાચાર
અજય સાંસી દાહોદ 
Fatepura:ફતેપુરા તાલુકાના પ્રાથમિક આરોગ્ય કેન્દ્ર, સાગડાપાડા ખાતે મોબાઇલ ટીબી એ-ક્ષરે વાન દ્વારા ટીબીની તપાસ કરાઈ
જન જનનું રાખો ધ્યાન, ટીબી મુક્ત ભારત અભિયાન અંતર્ગત ૧૦૦ દિવસની સઘન ટીબી નિર્મૂલન ઝુંબેશ દાહોદ જિલ્લાના ફતેપુરા તાલુકામાં પ્રાથમિક આરોગ્ય કેન્દ્ર, સાગડાપાડા ખાતે મુખ્ય જીલ્લા આરોગ્ય અધિકારી, જિલ્લા ક્ષય અધિકારી તથા તાલુકા આરોગ્ય અધિકારીના માર્ગદર્શન હેઠળ ટીબી એ-ક્ષરે વાન સાગડાપાડા ગામ ખાતે આવી હતી. જેમાં ૧૦૦ શંકાસ્પદ ટીબીના લક્ષણો ધરાવતા લાભાર્થીઓના એ-ક્ષરે પાડવામાં આવ્યા હતા. તમામની વજન, ઉંચાઈ, બીપી, ડાયાબિટીસની તપાસ કરવામાં આવી હતી.જો ટીબીનું નિદાન થાય તો ભારત સરકાર તરફથી દરેક ટીબીના દર્દીને મહિને રૂ.૧૦૦૦ દવા ચાલુ રહે ત્યાં સુધી પોષણ સહાય રૂપે દર્દીના બેંક ખાતામાં જમા કરવામાં આવે છે. આ મોબાઇલ એ-ક્ષરે વાનમાં પ્રાથમિક આરોગ્ય કેન્દ્રના મેડિકલ ઓફિસર, પી.એચ.સી. સુપરવાઈઝર, સીએચઓ તેમજ મલ્ટી પર્પઝ હેલ્થ વર્કર, ફિમેલ હેલ્થ વર્કર, આશા ફેસેલિટર, આશા બહેનોના સહયોગથી ૧૦૦ દિવસ સધન ટીબી કાર્યક્રમ સફળ રહ્યો હતો
