બ્રિજેશકુમાર પટેલ, ભરૂચ
તા.૦૨/૦૮/૨૦૨૪
ગુજરાત રાજ્યમાં થયેલ સાયબર ક્રાઇમની કામગીરી અર્થે નાયબ પોલીસ અધિક્ષક સી.કે.પટેલની અધ્યક્ષતામાં આજરોજ પોલીસ અધિક્ષકની કચેરી ખાતે પત્રકાર પરિષદ યોજાઈ હતી. પત્રકાર પરિષદમાં સાયબર ક્રાઇમની કામગીરી, સાયબર અવેરનેશ, નાણાં પરત (રિફંડ) જેવી પ્રજાલક્ષી કામગીરી તેમજ લોકોમાં સાયબર ક્રાઇમ બાબતે જાગૃતતા આવે એ હેતુથી નાયબ પોલીસ અધિક્ષકશ્રી દ્વારા માહિતગાર કરવામાં આવ્યા હતા.
સાયબર ક્રાઇમ સંબંધી ગુના બનતા અટકાવવા તથા બનેલ ગુનાઓ ડિટેકટ કરવા માટે તેમજ લોકોને સાયબર ક્રાઇમ સંબંધી ગુનાઓથી ભોગ બનતા અટકાવવા માટે તથા લોકોને સાયબર ક્રાઇમથી માહિતગાર તથા જાગૃત કરવા માટે સંદિપસિંહ પોલીસ મહાનિરીક્ષક વડોદરા વિભાગ તથા મયુર ચાવડા પોલીસ અધિક્ષક ભરૂચના માર્ગદર્શન અને સુચના અન્વયે ભરૂચ જીલ્લા સાયબર ક્રાઇમ પોલીસ સ્ટેશન તથા સ્થાનિક પોલીસ સ્ટેશન કક્ષાએ પોલીસ અધિકારી/ કર્મચારીઓ સાયબર ક્રાઇમ સંબંધી કામગીરી કરી રહ્યા છે.
જયારે કોઇ પણ વ્યકિત સાયબર ક્રાઇમ ગુનામાં ભોગ બને ત્યારે નેશનલ સાયબર ક્રાઇમ રીપોટીંગ પોર્ટલ સાયબર ક્રાઇમ હેલ્પલાઇન ૧૯૩૦ ઉપર તાત્કાલીક સંપર્ક કરી ઓનલાઇન ફરીયાદ આપી શકે છે. આ હેલ્પલાઇન ૨૪ x ૭ દરમ્યાન કાર્યરત રહે છે. આ હેલ્પલાઇન મારફતે કોઇપણ નાગરીક કોઇપણ સમય અને સ્થળ ઉપરથી ઓનલાઇન ફરીયાદ આપી શકે છે. આ ઓનલાઇન ફરીયાદ આધારે સ્ટેટ સાયબર ક્રાઇમ સેલ તથા ભરૂચ જિલ્લા સાયબર ક્રાઇમ પોલીસ સ્ટેશન તથા ભરૂચ જિલ્લાના સ્થાનિક પોલીસ સ્ટેશન દ્વારા તપાસ હાથ ધરવામાં આવે છે જેમાં આર્થિક પ્રકારના ગુનામાં બેનિફિશયરી બેંક એકાઉન્ટ ફ્રિજ કરાવી ફ્રોડમાં ગયેલ રકમ પુટ ઓન હોલ્ડ/લિન માર્ક કરાવી રીફડ આપવાની કામગીરી ભરૂચ જીલ્લા પોલીસ દ્વારા કરવામાં આવે છે, જેથી આર્થિક પ્રકારના ગુનામાં તાત્કાલિક ફરીયાદ આપવાથી રીફંડ પરત મળવાની શકયતા વધી જાય છે.
મહિલા અને બાળકોને ઓનલાઇન જાતીય સતામણી તથા સાયબર ક્રાઇમ સંબંધી ગુનાઓ અંગે માર્ગદર્શન પુરૂ પાડવા માટે પોલીસ સ્ટેશન કક્ષાએ મહિલા પોલીસ અધિકારી/કર્મચારીઓની ટીમ કાર્યરત છે જયારે કોઇપણ માહિલા કે બાળક સાયબર ક્રાઇમ સંબંધી ગુનાનો ભોગ બને ત્યારે કોઇપણ પ્રકારના ડર વગર સાયબર ક્રાઇમ પોલીસ સ્ટેશન/સ્થાનિક પોલીસ સ્ટેશનનો તાત્કાલિક સંપર્ક કરી ફરીયાદ આપવા નાગરીકોને વિનંતી કરવામાં આવે છે.
ભરૂચ જીલ્લામાં સને ૨૦૨૪માં પ્રવર્તમાન ગાઇડલાઇન મુજબ તથા પોલીસ મહાનિદેશક અને મુખ્ય પોલીસ અધિકારીશ્રી ગુજરાત રાજ્ય નાઓ દ્વારા આપવામાં આવેલ સુચનાઓ મુજબ સાયબર ક્રાઇમને રોકવા માટે નીચે મુજબના પ્રયત્નો કરવામાં આવેલ છે.
( બોક્ષ )
(૧) એકાઉન્ટ ફ્રિજ/અનફ્રિજ કરવા બાબત :
આ બાબતે સી.આઇ.ડી. ક્રાઇમ ગુ.રા. ગાંધીનગર તરફથી મળેલ સુચના મુજબ સાયબર ક્રાઇમ સંબંધી ગુનાઓમાં પ્રથમ ત્રણ (૦૩) લેયરના બેંક એકાઉન્ટને ફ્રિજ કરી ફરીયાદીના ગયેલા નાણાં પરત કરવાના પ્રયત્નો કરવામાં આવે છે તેમજ તપાસ દરમ્યાન સી.આઇ.ડી. કાઇમ તરફથી ફ્રિજ થયેલ એકાઉન્ટ બાબતે ખાતાધારક તરફથી આધાર-પુરાવા સાથે રજુઆત મળ્યેથી તેઓના એકાઉન્ટને અનફ્રિજ કરવાની કાર્યવાહી કરવામાં આવે છે અને અત્રેના પોલીસ સ્ટેશન ખાતે મળેલ રજુઆતો અરજદારશ્રીના બેંક એકાઉન્ટને અનફ્રિજ કરવામાં આવેલ છે.
( બોક્ષ )
(૨) રીફંડ અને હોલ્ડ પર રહેલી રકમ :
ભરૂચ જીલ્લામાં સાયબર ક્રાઇમની મળેલ કુલ અરજીઓ પૈકી સને ૨૦૨૩ અને ૨૦૨૪ ના વર્ષ દરમ્યાન કુલ ૫૯૭ અરજીઓ ઉપર કાર્યવાહી હાથ ધરી કુલ રૂ. ૨,૪૪,૨૧,૭૬૭/- ની રકમ અરજદારોને પરત અપાવવાની કાર્યવાહી પૂર્ણ કરવામાં આવેલ છે તેમજ હાલમાં કુલ ૧૩૩૩ અરજીઓ આધારે કુલ રકમ ૭,૨૯,૨૧,૩૩૧/- ની રકમ અરજદારોને પરત અપાવવાની કાર્યવાહી હાલ ચાલુમાં સાયબર ક્રાઇમના બનાવમાં ભોગ બનેલા અરજદારોને તકલીફ ના પડે તેના માટે અત્રેના જીલ્લામાંથી પોર્ટલ આધારે પ્રોસેસ થયેલ અરજીઓ આધારે અરજદારશ્રીને મેસેજ મોકલી તેઓના જરૂરી પ્રમાણપત્રો મેળવી નામદાર કોર્ટ મારફતે રીફંડ પરત મેળવવાની કાર્યવાહી બાબતે સમજ કરી તથા નામદાર કોર્ટ સાથે સંકલનમાં રહી રીફડની કામગીરી ત્વરીત પૂર્ણ થાય તે માટેના સક્રિય પ્રયત્નો કરવામાં આવી રહેલ છે.
( બોક્ષ )
(3) નવી પોલિસી :
પોલીસ મહાનિદેશક અને મુખ્ય પોલીસ અધિકારીશ્રી ગુજરાત રાજ્ય નાઓ દ્વારા સાયબર ક્રાઇમના બનાવની તપાસ દરમ્યાન એકાઉન્ટ ફ્રિજ કરવા બાબતે ૦૮/૦૭/૨૦૨૪ ના રોજ એક માર્ગદર્શિકા જાહેર કરવામાં આવેલ છે જે મુજબની જ કાર્યવાહી અત્રેના જીલ્લા ખાતેથી કરવામાં આવે છે. જેમાં (૧) નાણાકીય ફ્રોડના કિસ્સામાં પ્રથમ ત્રણ (૦૩) લેયરના બેંક એકાઉન્ટ નાણાકીય ફોડમાં સંડોવાયેલ ન હોય અને ફ્રોડની રકમ રૂ. ૫,૦૦,000/- થી ઓછી હોય તેવા એકાઉન્ટની રકમ લિન માર્ક કરવામાં આવે છે અને ૫,૦૦,૦૦૦/- થી વધુ રકમના ફ્રોડના કિસ્સામાં સંપુર્ણ બેંક એકાઉન્ટ ફ્રિજ કરવામાં કરવામાં આવેલ છે.
( બોક્ષ )
૪) પિડિતો પર પ્રભાવ :
સાયબર ક્રાઇમના બનાવના પગલે થયેલ નાણાકીય વ્યવહારોને લીધે મધ્યમ વર્ગના લોકોના બેંક એકાઉન્ટમાં થયેલા નાણાકીય વ્યવહારોને આધારે બેંક એકાઉન્ટ ફ્રિજ થવાના કારણે મુશ્કેલીનો સામનો કરવાની પરીસ્થિતિ પેદા થતી હતી પરંતુ નવી પોલીસી આધારે કાર્યવાહી થવાના કારણે સામાન્ય લોકોનો આ પરીસ્થિતિમાં બચાવ થયેલ છે અને તેઓને ઉભી થતી મુશ્કેલીઓમાં નોંધપાત્ર ઘટાડો થયેલ છે.
( બોક્ષ )
(૫) સાયબર ક્રાઇમ અવેરનેસ કાર્યક્રમોનુ આયોજન :
ભરૂચ જીલ્લામાં સાયબર ક્રાઇમને અટકાવવા તથા લોકો તેનાથી કઈ રીતે બચી શકે તેની જાણકારી માટે ભરૂચ જીલ્લા વિસ્તારમાં છેલ્લા એક વર્ષમાં અલગ-અલગ જગ્યાઓ ઉપર કુલ ૨૩ કાર્યક્રમોનુ આયોજન કરવામાં આવેલ છે જેમાં આશરે ૨૫,૦૦૦ જેટલાં લોકોને સાયબર ક્રાઇમથી બચાવ અંગેની જાણકારી આપવામાં આવેલ છે. :
નોંધ : જો કોઇપણ નાગરીક સાથે સાયબર ક્રાઇમ સંબંધી બનાવ કે ગુનો બને ત્યારે તાત્કાલિક નીચે જણાવેલ ઓનલાઇન પ્લેટફોર્મ પર સંપર્ક કરવા વિનંતી છે. તેમ પોલીસ વિભાગ દ્નારા મળેલી એક અખબારી યાદીમાં જણાવવામાં આવ્યું હતું.
(৭) સાયબર ક્રાઇમ હેલ્પલાઇન : ૧૯૩૦
(२) સાયબર ક્રાઇમ પોલીસ સ્ટેશન ભરૂચ : ૯૯૭૮૪૧૦૩૭૭, ૦૨૬૪૨ ૨૨૩૭૦૦
(3) ઇન્સ્ટાગ્રામ : https://www.instagram.com/bharuchpolice
(૪) ફેસબુક – https://www.facebook.com/Bharuchpolice
(4) ટવિટર (એકસ) – https://twitter.com/BharuchPolice
