ઝઘડિયા તાલુકાના એક ગામેથી અન્ય જિલ્લાની રહીશ સગીરા રહસ્યમય સંજોગોમાં લાપતા
સગીરા ઘેરથી કોઇને કહ્યા વિના ચાલી ગઇ કે પછી અન્ય ઇસમ તેને ભગાડી ગયો હોવાની શંકા સાથે પોલીસમાં ફરિયાદ
ભરૂચ જિલ્લાના ઝઘડિયા તાલુકાના એક ગામેથી એક ૧૬ વર્ષ ૮ મહિનાની ઉંમરની સગીર વયની છોકરી ગત તા.૧૦ મીના રોજ ઘરેથી રહસ્યમય સંજોગોમાં ગુમ થઇ ગઇ હતી. મળતી વિગતો મુજબ મહેસાણા જિલ્લામાં રહેતી આ સગીરાની માતા ઝઘડિયા તાલુકામાં રહેતી હોય સગીરા એક મહિનાથી માતા પાસે રહેવા આવી હતી.દરમિયાન આ સગીરા ઘરેથી રહસ્યમય સંજોગોમાં લાપતા થઇ જતા આ બાબતે રહસ્ય સર્જાયું હતું.સગીરના વાલી દ્વારા ઝઘડિયા પોલીસમાં આ સંદર્ભે ફરિયાદ લખાવવામાં આવી હતી.આ સગીરા કોઇને કંઇ કહ્યા વિના ઘરેથી જતી રહેલ હોય અથવા કોઇ અજાણ્યો ઇસમ સગીરાનું અપહરણ કરી ગયો હોવાની શંકા પોલીસ ફરિયાદમાં દર્શાવવામાં આવતા સગીરાના ગુમ થવા બાબતે રહસ્ય સર્જાયું હતું. જ્યારે આ સગીરા ગુમ થવાની ફરિયાદને લઇને પોલીસે સગીરાને શોધવા કાર્યવાહી હાથ ધરી હતી.
