કાલોલના બોરુ રેલ્વે ગરનાળા પાસે મારુતિ વાનમાં આગ લાગતાં ભડભડ સળગી ઉઠી,વાનમાં સવાર વ્યક્તિઓ નો આબાદ બચાવ
તારીખ ૨૨/૦૬/૨૦૨૫
સાજીદ વાઘેલા કાલોલ
કાલોલ તાલુકાના બોરુ રેલ્વે ગરનાળા પાસેથી પસાર થતી એક મારુતિ વાન ગાડીમાં આકસ્મિક રીતે આગ લાગતાં અફડાતફડી મચી હતી. આગને લઇ ગાડી ભડભડ સળગી ઉઠી હતી. જો કે ગાડીનો ડ્રાઈવર સહિત વાનમાં સવાર વ્સયક્તિઓ સમયસુચકતા વાપરીને ગાડીમાંથી ઉતરી જતાં તેનો આબાદ બચાવ થયો હતો. જ્યારે આગ ક્યા કારણોસર લાગી તે હાલ જાણી શકાયું નથી. ગાડીમાં આગ લાગતાં આજુબાજુના લોકટોળા ઉમટી પડ્યા હતા.પંચમહાલ જિલ્લાના કાલોલ તાલુકાના બોરુ ગામ નજીક રેલવે ગરનાળા પાસે એક મારુતિ વાન ગાડી પસાર થઈ રહી હતી. તેમાં કોઈ કારણોસર આગ લાગી જ્યાં આગ માંથી ધુમાડો જોવા મળતા ગાડીનો ચાલક સહિત અંદર બેઠેલા લોકો તરત જ ગાડીમાંથી ઉતરી ગયા હતા. જોતજોતામાં આગે વિકરાળ સ્વરુપ ધારણ કરતા ગાડી ભડભડ સળગવા લાગી હતી. જ્યારે આગના બનાવમાં કોઈ જાનહાની થઈ ન હતી. આગ લાગવાને કારણે પસાર થતા લોકટોળા ઉમટી પડ્યા હતા. મારુતિ વાન ગાડી કાલોલથી સાવલી તરફ જઈ રહી હતી, તે સમયે શોર્ટ સર્કિટના કારણે એન્જીનના ભાગે આગ લાગતા ગાડીમાં આગ લાગી હોવાનું અનુમાન લગાવામા આવી રહ્યું છે.
