MORBI:મોરબીના મહેન્દ્રનગરમાં રાત્રિ દરમિયાન આગના બે બનાવો: ફાયર બ્રિગેડની સતર્કતાથી મોટી દુર્ઘટના ટળી
MORBI:મોરબીના મહેન્દ્રનગરમાં રાત્રિ દરમિયાન આગના બે બનાવો: ફાયર બ્રિગેડની સતર્કતાથી મોટી દુર્ઘટના ટળી
મોરબી: ગઈકાલ રાત્રિ દરમિયાન મહેન્દ્રનગર વિસ્તારમાં આગ લાગવાના બે અલગ-અલગ બનાવો બન્યા હતા. ફાયર કંટ્રોલરૂમ (101) ને જાણ થતા જ ફાયર ટીમ તાત્કાલિક ઘટનાસ્થળે પહોંચી હતી અને સમયસરની કામગીરીને કારણે મોટી હોનારત નિવારી શકાઈ હતી. સદનસીબે, બંને ઘટનાઓમાં કોઈ જાનહાનિ થઈ નથી.
1. સુપર માર્કેટ કોમ્પ્લેક્સની દુકાનમાં આગ
રાત્રિના આશરે 09:16 વાગ્યે મહેન્દ્રનગર રામધામ આશ્રમની સામે આવેલા સુપર માર્કેટ કોમ્પ્લેક્સમાં એકાએક આગ ફાટી નીકળી હતી. કોઈ અગમ્ય કારણોસર દુકાનમાં લાગેલી આગને પગલે આસપાસના વિસ્તારમાં દોડધામ મચી ગઈ હતી. ફાયર ફાઈટરોએ સ્થળ પર પહોંચી આગ પર કાબુ મેળવતા આસપાસની અન્ય દુકાનો સુરક્ષિત રહી હતી.
2. કચરો સળગાવતા આગ બેકાબૂ બની બીજો બનાવ મોડી રાત્રે 12:40 વાગ્યે પ્રકાશમાં આવ્યો હતો. મહેન્દ્રનગર ચોકડી પાસે, વ્યારા પેટ્રોલપંપ સામે અને કાર સ્પાની બાજુમાં કચરો સળગાવતી વખતે પવન અથવા અન્ય કારણોસર આગ બેકાબૂ બની હતી. પરિસ્થિતિ ગંભીર જણાતા તાત્કાલિક 101 પર કોલ કરવામાં આવ્યો હતો. ફાયર ટીમે સમયસૂચકતા વાપરી આગને વધુ ફેલાતી અટકાવી દીધી હતી.
ફાયર વિભાગની પ્રશંસનીય કામગીરી: બંને કોલમાં ફાયર ટીમે ઝડપી પ્રતિસાદ આપી આગને કાબૂમાં લીધી હતી, જેને કારણે મોટી મિલકતને નુકસાન થતું બચ્યું છે અને કોઈ પણ વ્યક્તિને ઈજા કે જાનહાનિ થઈ નથી.
