દાહોદ શહેરના ગોદી રોડ પર મકાનનું સ્લેબ ભરતી વખતે અચાનક લિફ્ટ તૂટી પડી, ૩ શ્રમિકોની હાલત ગંભીર
તા.૧૬.૦૮.
૨૦૨૬
વાત્સલ્યમ્ સમાચાર
અજય સાંસી દાહોદ
Dahod:દાહોદ શહેરના ગોદી રોડ પર મકાનનું સ્લેબ ભરતી વખતે અચાનક લિફ્ટ તૂટી પડી, ૩ શ્રમિકોની હાલત ગંભીર
દાહોદના ગોદી રોડ પર આ અચાનક બનેલી ઘટનાથી સમગ્ર વિસ્તારમાં સન્નાટો વ્યાપી ગયો છે. અહીં એક મકાનનું સ્લેબ ભરવાનું કામ ચાલી રહ્યું હતું,આ તે જ સમયે અચાનક બાંધકામની લિફ્ટ ધરાશાયી થઈ ગઈ હતી.ગંભીર અકસ્માતમાં ત્યાં કામ કરી રહેલા ત્રણ શ્રમિકો ભોગ બન્યા છે અને તેઓ ગંભીર રીતે ઇજાગ્રસ્ત થયા છે. ઘટનાની જાણ થતાં જ ૧૦૮ એમ્બ્યુલન્સ તાત્કાલિક ઘટનાસ્થળે દોડી આવી હતી અને તમામ ઘાયલ શ્રમિકોને સારવાર અર્થે નજીકની હોસ્પિટલમાં ખસેડવામાં આવ્યા છે. સદ્નસીબે આ ભયાનક અકસ્માતમાં કોઈ મોટી જાનહાની થઈ નથી, જેથી તંત્ર અને સ્થાનિકોએ રાહતનો શ્વાસ લીધો છે., આ ઘટનાએ બાંધકામ સાઇટો પર શ્રમિકોની સુરક્ષાને લઈને મોટા સવાલો ઊભા કર્યા છે. સાઇટ પર પૂરતી સુરક્ષા વ્યવસ્થા કે સેફ્ટીના સાધનો ન પૂરા પાડવામાં આવ્યા હોવાનું પ્રાથમિક દ્રષ્ટિએ સામે આવ્યું છે. શ્રમિકોના જીવને જોખમમાં મૂકનારા જવાબદાર કોન્ટ્રાક્ટર કે બિલ્ડર સામે કડકમાં કડક કાર્યવાહી કરવામાં આવે તેવી લોકમાંગ પ્રબળ બની છે
