પંચમહાલ જિલ્લામાં ગેરકાયદેસર ખનીજ વહન કરતી 7 ટ્રકો ઝડપી ₹1.20 કરોડનો મુદ્દામાલ જપ્ત
પ્રતિનિધી ગોધરા તા.04
નિલેશભાઈ દરજી શહેરા
પંચમહાલ જિલ્લાના ખાણ અને ખનીજ વિભાગે ગેરકાયદેસર ખનીજ વહન કરતા તત્વો સામે કડક કાર્યવાહી કરી છે. વિભાગે વિવિધ સ્થળોએ દરોડા પાડીને કુલ સાત ટ્રકો ઝડપી પાડી છે અને ₹1 કરોડ 20 લાખ નો મુદ્દામાલ જપ્ત કર્યો.
પ્રાપ્ત માહિતી અનુસાર પંચમહાલ જિલ્લાના ખાણ અને ખનીજ વિભાગના અધિકારીઓ પેટ્રોલિંગમાં હતી તે દરમિયાન તેઓ દ્વારા અલગ અલગ જગ્યાર દરોડો પાડવામાં આવ્યો હતો. જેમાં તેમણે ગેરકાયદેસર રીતે રેતી વહન કરતા તેમજ ઓવેરલોડ ભરેલી ટ્રકો ઝડપી પાડી. આ કાર્યવાહીમાં, ખાણ અને ખનીજ વિભાગે જાંબુઘોડા ખાતેથી ગેરકાયદેસર રીતે સાદી રેતીનું વહન કરતી ત્રણ ટ્રકોને ઝડપી પાડી તને ત્યાંના જ એક પ્રાઇવેટ કમ્પાઉન્ડમાં મુકવામાં આવી.આ ઉપરાંત, ગોઠડાથી ઝડપાયેલ બે ટ્રકોને પ્રાઇવેટ કમ્પાઉન્ડમાં મૂકી જયારે છાનીપ ખાતેથી પણ ઓવરલોડ ભરેલી બે-ટ્રકો પકડવામાં આવી હતી. આ ટ્રકોને જપ્ત કરીને શહેરા મામલતદાર કચેરી ખાતે મૂકવામાં આવી છે. આમ કુલ 7 ટ્રકોને ઝડપી પાડી ₹1 કરોડ 20 લાખનો મુદ્દામાલ જપ્ત કરી કાયદેસરની કાર્યવાહી હાથધરવામાં આવી છે. આ દરોડાથી ગેરકાયદેસર ખનીજ વહન કરતા માફિયાઓમાં ફફડાટ વ્યાપી ગયો છે.
