મહીસાગર જિલ્લાના સંતરામપુર ખાતે શિક્ષણ મંત્રી ડોક્ટર કુબેરભાઈ ડિંડોરના અધ્યક્ષ સ્થાને મહિલા સહાયતા અને તાલીમ કેન્દ્રની ઉદ્ઘાટન કાર્યક્રમ યોજાયો.
મહીસાગર જિલ્લાના સંતરામપુર ખાતે શિક્ષણ મંત્રી ડો. કુબેરભાઈ ડીંડોરના અધ્યક્ષ સ્થાને મહિલા સહાયતા અને તાલીમ કેન્દ્રની ઉદ્દઘાટન કાર્યક્રમ યોજાયો.
શિક્ષણ મંત્રી ડો. કુબેરભાઈ ડીંડોર અને ઉપસ્થિત મહાનુભાવોના હસ્તે વ્હાલી દીકરી યોજના અંતર્ગત મંજૂરી હુકમ પત્રો એનાયત કરાયા…
વડાપ્રધાનશ્રી નરેન્દભાઈ મોદીએ બેટી બચાવો, બેટી પઢાવો સૂત્ર આપી અનેકવિધ યોજના થકી દીકરીઓને પગભર કર્યા છે – શિક્ષણ મંત્રી ડો. કુબેરભાઈ ડીંડોર
અમીન કોઠારી : મહીસાગર
મહીસાગર જિલ્લા વહીવટી તંત્ર અને સોસાયટી ફોર વીમેન્સ એકશન એન્ડ ટ્રેનિંગ ઇનિશિએટિવ – સ્વાતિના સંયુક્ત ઉપક્રમે સંતરામપુર ટાઉન હોલ ખાતે આદિજાતિ વિકાસ, પ્રાથમિક, માધ્યમિક અને પ્રોઢ શિક્ષણ મંત્રી ડો. કુબેરભાઈ ડિંડોરના અધ્યક્ષ સ્થાને મહિલા સહાયતા અને તાલીમ કેન્દ્રની ઉદ્દઘાટન કાર્યક્રમ યોજાયો. મહિલા સહાયતા અને તાલીમ કેન્દ્ર થકી કાનૂની સલાહ, સહાયતા, યોજનાઓ, તાલીમ અને અન્ય સેવાઓમાં મદદ આપવામાં આવશે.
આ પ્રસંગે આદિજાતિ વિકાસ, પ્રાથમિક, માધ્યમિક અને પ્રોઢ શિક્ષણ મંત્રી ડો. કુબેરભાઈ ડિંડોરે જણાવ્યું હતું કે, મહિલા, કિશોરી શિક્ષિત બને, સ્વસ્થ બને,સશક્ત બને તે માટે મહિલા સહાયતા અને તાલીમ કેન્દ્ર ખૂબ ઉપયોગી નીવડશે. વડાપ્રધાન નરેન્દભાઈ મોદીએ બેટી બચાવો, બેટી પઢાવો સૂત્ર આપી અનેકવિધ યોજના થકી દીકરીઓને પગભર કર્યા છે. મહિલાઓને જમીન અને મકાન આપવાનું કામ વધપ્રધાન નરેન્દ્રભાઇ મોદીએ કર્યું છે.
વધુમાં તેમણે જણાવ્યું હતું કે, સરકાર દ્વારા ધાત્રીમાતા, સગર્ભા માતા, પોષણયુક્ત આહાર, નમો લક્ષ્મી યોજના અને નમો સરસ્વતી યોજના સહાય આપી મહિલાઓનું જીવનધોરણ ઊચું આવ્યું છે સાથે શાળા પ્રવેશોત્સવ અને કન્યા કેળવણી થકી ડ્રોપ આઉટ રેશિયો ઘટ્યો છે.
આ પ્રસંગે જિલ્લા પંચાયત પ્રમુખ બાબુભાઇ પટેલે જણાવ્યું હતું કે, મહિલાઓના ઉત્થાન માટે વડાપ્રધાન નરેન્દ્રભાઇ મોદીએ અનેક યોજનાઓ અમલમાં મૂકી છે અને મહિલાઓ દરેક ક્ષેત્રમાં આગળ વધી રહી છે સાથે દરેક મહિલાઓ યોજનાનો લાભ લઈ સરકારશ્રીની વિવિધ લોકકલ્યાણકારી યોજનાનો લાભ લેવા અપીલ કરી હતી.
શિક્ષણ મંત્રી ડો. કુબેરભાઈ ડીંડોર અને ઉપસ્થિત મહાનુભાવોના હસ્તે વ્હાલી દીકરી યોજના અંતર્ગત મંજૂરી હુકમ પત્રો એનાયત કરાયા હતા અને કાર્યક્રમાં સ્વાતિ ડાયરેક્ટરશ્રી પૂનમ કથુરિયાએ સ્વાતિ પરિચય, તેનો સહયોગ અને નવી પહેલના લક્ષ્યો અને સેવાઓ વિશે બહેનોને માહિતગાર કર્યા હતા.
કાર્યક્રમાં જિલ્લા કલેકટર શ્રીમતી નેહા કુમારી, જિલ્લા વિકાસ અધિકારી, સી એલ પટેલ, નિવાસી અધિક કલેક્ટર સી વી લટા, તાલુકા પંચાયત પ્રમુખ હરેશભાઈ વળવાઈ. જિલ્લા ગ્રામ વિકાસ એજન્સી નિયામક શ્રીમતી ચંદ્રિકાબેન ભાભોર, સંતરામપુર પ્રાંત અધિકારી એસ જે ભરવાડ, મામલતદાર આઈ પી પઠાણ સહિત સંબંધિત અધિકારીઓ અને મોટી સંખ્યામાં બહેનો ઉપસ્થિત રહ્યા હતા