અરવલ્લી
અહેવાલ :હિતેન્દ્ર પટેલ
ભિલોડા તાલુકામાં ધોધમાર વરસાદ: ઈન્દ્રાશી નદી ફરી બે કાંઠે, ચેકડેમો છલકાયા,માજુમ નદીમાં નવા નીર
અરવલ્લી જિલ્લાનું ભિલોડા તાલુકો છેલ્લા 24 કલાકથી ભારે વરસાદના આઘાતમાં છે. જિલ્લા વહીવટીતંત્રના પ્રાથમિક આંકડા મુજબ માત્ર ભિલોડા તાલુકામાં 6 ઈંચ જેટલો વરસાદ નોંધાયો છે. ભારે વરસાદ માત્ર તાલુકા સુધી સીમિત ન રહી, પણ ઉપરવાસમાં પણ મેઘરાજાએ જોરદાર બેટિંગ કરતાં નદીઓમાં નવા નીરની ઘોષણા થઇ છે.ભિલોડા સહિત આસપાસના વિસ્તારોમાંથી વહેતી ઈન્દ્રાશી અને હાથમતી નદીઓમાં નવા નીરની આવક નોંધાઇ છે. ઈન્દ્રાશી નદી તો વધુ એક વખત બે કાંઠે વહી રહી છે. મેઘ મહેરબાન થતાં તાલુકાની વિવિધ નદીઓ પર બનાવાયેલા 30થી વધુ ચેકડેમો છલકાયા છે. ખાસ કરીને માઝુમ નદીમાં ભારે પાણીની આવક થતા પાણીની સપાટીમાં નોંધપાત્ર વધારો થયો છે.ચેકડેમો છલકાતા ખેતરમાં ખેતી માટે પૂરતું પાણી મળે તેવી આશા ખેતીવાડું સમાજ રાખી રહ્યો છે. વરસાદથી ખેતી માટે અનુકૂળ વાતાવરણ સર્જાતા ખેડુતોમાં ખુશીની લહેર જોવા મળી રહી છે.
