વિજાપુર માધવ ફાર્મ હાઉસ ખાતે કિસાન સંવાદ કાર્યક્રમમાં ભાજપના ઉમેદવારોના સમર્થનમાં સભા યોજાઈ

વિજાપુર માધવ ફાર્મ હાઉસ ખાતે કિસાન સંવાદ કાર્યક્રમમાં ભાજપના ઉમેદવારોના સમર્થનમાં સભા યોજાઈ

વિજાપુરના માધવ ફાર્મ હાઉસ ખાતે ભારતીય જનતા પાર્ટી ગુજરાત કિસાન મોરચા દ્વારા “કિસાન સંવાદ” કાર્યક્રમ યોજાયો હતો. આ કાર્યક્રમ જીલ્લા પંચાયત ની છ બેઠકો પંચાયત ની 26 બેઠકો પાલિકાની 24બેઠકો ઉપર ઉભેલા ઉમેદવારો અને ઓજી ગોવિંદપુરા-વિજાપુર બેઠકના ભાજપના ઉમેદવાર જીજ્ઞેશભાઈ પટેલ (બિલ્ડર)ના સમર્થનમાં યોજાયો હતો, જેમાં કિસાન મોરચા અને ભાજપના કાર્યકરો મોટી સંખ્યામાં ઉપસ્થિત રહ્યા હતા.

સભામાં ધારાસભ્ય સી.જે. ચાવડા, પૂર્વ ધારાસભ્ય કાંતિભાઈ પટેલ, એપીએમસી ચેરમેન રાજુભાઈ પટેલ, કિસાન મોરચાના મહામંત્રી હીરેનભાઈ હિરપુરા, પ્રકાશભાઈ પટેલ, તાલુકા ભાજપ પ્રમુખ હાર્દિક પટેલ, શહેર ભાજપ પ્રમુખ અગન બારોટ, સરપંચ માધુભાઈ પટેલ તેમજ હિતેન્દ્રસિંહ પરમાર સહિત અગ્રણીઓ હાજર રહ્યા હતા.
આ પ્રસંગે ધારાસભ્ય સી.જે. ચાવડાએ ઉપસ્થિત લોકોને સંબોધતા તાલુકા અને જિલ્લા પંચાયત તેમજ નગરપાલિકાની આવનારી ચૂંટણીમાં ભાજપના ઉમેદવારોને બહુમતીથી જીતાડવા અપીલ કરી હતી. તેમણે જિલ્લા પંચાયતની છ બેઠકો, તાલુકા પંચાયતની 26 બેઠકો અને નગરપાલિકાની 24 બેઠકોમાં ભાજપને વિજયી બનાવવા માટે કાર્યકરોને સક્રિય બનવા અનુરોધ કર્યો હતો.
સાથે જ, ઓજી ગોવિંદપુરા-વિજાપુર જિલ્લા બેઠકના ઉમેદવાર જીજ્ઞેશભાઈ પટેલને બહુમતીથી જીતાડવા માટે ઉપસ્થિત આગેવાનો દ્વારા જોરદાર અપીલ કરવામાં આવી હતી. કાર્યક્રમ દરમિયાન ભાજપ અને કિસાન મોરચાના હોદેદારો તેમજ કાર્યકરોનો ઉત્સાહ જોવા મળ્યો હતો.