વાત્સલ્યમ સમાચાર
મદન વૈષ્ણવ-ડાંગ
પ્રાપ્ત વિગતો અનુસાર ઉત્તર ડાંગ વન વિભાગમાં સમાવિષ્ટ કાલીબેલ રેંજમાં લાગુ ઘોડી ગામે ગતરોજ રાત્રીના અરસામાં શિકારની શોધમાં ભટકતો દીપડો કૂવામાં ખાબક્યો હતો.જેમાં સવારનાં અરસામાં ખેતરમાં ગયેલ ઈંદરભાઈને કુવા નજીકથી ગર્જનાનો અવાજ આવતા તેઓને કુવા નજીક કોઈક પ્રાણી હોવાની શંકા ગઈ હતી.જેથી તેઓએ ધીરેથી કુવા નજીક જઈ આસપાસ જોતા અને કૂવામાં ડોક્યુ કરતા દીપડો પડેલ જોવા મળ્યો હતો.આ દીપડો કુવામાં રહેલ ભેથડોનાં પગલે સુરક્ષિત જોવા મળ્યો હતો.બાદમાં આ દીપડા અંગેની જાણ કાલીબેલ રેંજનાં આર.એફ.ઓ અંજનાબેન પાલવાને કરતા વનવિભાગની ટીમ સ્થળ પર દોડી ગઈ હતી.અહી ઉત્તર ડાંગ વન વિભાગનાં ડી.સી.એફ.દિનેશભાઇ રબારીનાં માર્ગદર્શન હેઠળ કાલિબેલ રેંજનાં આર.એફ.ઓ અંજનાબેન પાલવાની વનકર્મીઓની ટીમે કુવામાંથી સહી સલામત રીતે દીપડાનું રેસ્ક્યુ કરી બહાર કાઢી જંગલમાં છોડ્યો હતો.
