HALVAD:હળવદના ટીકર ગામે શંકા રાખી યુવક પર છરી વડે જીવલેણ હુમલો
HALVAD:હળવદના ટીકર ગામે શંકા રાખી યુવક પર છરી વડે જીવલેણ હુમલો
હળવદ: તાલુકાના ટીકર ગામે અંગત અદાવત અને વહેમમાં એક યુવક પર છરી વડે હુમલો થયાની ઘટના સામે આવી છે. પોતાની બહેન પાછળ જતો હોવાની શંકા રાખી આરોપીએ યુવકને પેટ અને છાતીના ભાગે છરીના ઘા ઝીંકી ગંભીર ઈજાઓ પહોંચાડી હતી.
મળતી માહિતી મુજબ, ટીકર ગામના રહેવાસી મોહમદ અયાજ વારીશભાઈ કગથરા (ઉ.વ. ૨૨) નામના યુવક પર આ હુમલો કરવામાં આવ્યો હતો. આ મામલે ભોગ બનનાર યુવકે ફિરોજ સલીમ સંધિ (રહે. ટીકર રણ, હળવદ) વિરુદ્ધ પોલીસ ફરિયાદ નોંધાવી છે.આરોપી ફિરોજને એવી શંકા હતી કે ફરિયાદી મોહમદ અયાજ તેના કાકાની દીકરીની પાછળ જાય છે.આ વહેમ રાખીને આરોપીએ અયાજ સાથે ઝઘડો કર્યો હતો.ઝઘડા દરમિયાન ઉશ્કેરાઈ ગયેલા આરોપીએ ગાળો આપી પોતાની પાસે રહેલી છરી વડે હુમલો કર્યો હતો.ઈજા અને પોલીસ કાર્યવાહી આ હુમલામાં ફરિયાદીને પેટના ડાબા પડખામાં, જમણા હાથમાં અને છાતીના ભાગે ગંભીર ઈજાઓ પહોંચી હતી. ઈજાગ્રસ્ત યુવકને તાત્કાલિક સારવાર માટે ખસેડવામાં આવ્યો હતો.હળવદ પોલીસે આ મામલે ગુનો નોંધીને આરોપી વિરુદ્ધ કાયદેસરની કાર્યવાહી હાથ ધરી છે અને આગળની તપાસ ચલાવી રહી છે.
