MORBI:મોરબીમાં મોંઘવારીનો વધુ એક ડામ: પેટ્રોલ-ડીઝલના ભાવમાં ભડકો, આજથી જ નવો ભાવવધારો લાગુ
મોરબીના વાહનચાલકો અને સામાન્ય જનતા માટે વધુ એક માઠા સમાચાર સામે આવ્યા છે. ઈંધણના ભાવમાં સતત થઈ રહેલા ફેરફાર વચ્ચે આજે ફરી એકવાર પેટ્રોલ અને ડીઝલના ભાવમાં ઝીંકાયેલા વધારાને કારણે મોંઘવારીનો સામનો કરી રહેલી જનતાના ખિસ્સા પર આર્થિક ભારણ વધુ વધ્યું છે. આજ રોજ, ૧૯ મે ૨૦૨૬થી જ આ નવા ભાવો અમલી બની ગયા છે.
કોના ભાવમાં કેટલો વધારો થયો? મળતી માહિતી મુજબ, આજથી અમલમાં આવેલા નવા ભાવવધારાની વિગતો નીચે મુજબ છે:
ડીઝલ: પ્રતિ લિટરે ₹ ૦.૯૩ નો વધારો
પેટ્રોલ: પ્રતિ લિટરે ₹ ૦.૮૭ નો વધારો
સામાન્ય જનતા અને વાહનચાલકોમાં નારાજગી
રોજેરોજ અપડાઉન થતા ઈંધણના ભાવોને કારણે સામાન્ય મધ્યમવર્ગીય પરિવારોનું બજેટ ખોરવાયું છે. આજે સવારથી જ નવો ભાવવધારો લાગુ થઈ ગયો હોવાથી પેટ્રોલ પંપ પર ઈંધણ ભરાવવા આવતા સ્થાનિક વાહનચાલકોમાં ભારે નારાજગી અને આક્રોશ જોવા મળી રહ્યો છે.
પેટ્રોલ-ડીઝલના ભાવ વધવાને કારણે ટ્રાન્સપોર્ટેશન (માલસામાનની હેરફેર) ખર્ચમાં સીધો વધારો થશે. નિષ્ણાતોના મતે, આ વધારાની સીધી અસર આગામી દિવસોમાં દૂધ, શાકભાજી અને અન્ય જીવનજરૂરી ચીજવસ્તુઓના ભાવ પર પડવાની પૂરેપૂરી ભીતિ સેવાઈ રહી છે.
