MORBI:મોરબી નજીક હાઈવે પર LPG ટેન્કરમાં ભીષણ આગ: ફાયર બ્રિગેડની સતર્કતાથી મોટી દુર્ઘટના ટળી
MORBI:મોરબી નજીક હાઈવે પર LPG ટેન્કરમાં ભીષણ આગ: ફાયર બ્રિગેડની સતર્કતાથી મોટી દુર્ઘટના ટળી
મોરબી-માળીયા હાઈવે પર શુક્રવારે સાંજે એક મોટી દુર્ઘટના સર્જાતા અટકી હતી. હાઈવે પર લક્ષ્મીનગર નજીક પાર્કિંગમાં ઉભેલા એક LPG ટેન્કરના કેબીનમાં અચાનક આગ ભભૂકી ઉઠી હતી. જોકે, ટેન્કર ખાલી હોવાના કારણે અને ફાયર બ્રિગેડની તાત્કાલિક કામગીરીથી મોટી હોનારત ટળી ગઈ હતી.
સાંજે આશરે ૦૮:૦૦ વાગ્યાની આસપાસ, માળીયા હાઈવે પર લક્ષ્મીનગર નજીક આવેલ પાર્કિંગ એરિયા. પાર્ક કરેલા LPG ટેન્કરના આગળના કેબીન ભાગમાં અચાનક આગ લાગી હતી.તાકીદની કામગીરી: ઘટનાની જાણ થતાં જ મોરબી ફાયર કંટ્રોલ રૂમની ટીમ તુરંત એક્શનમાં આવી હતી. ફાયર બ્રિગેડના જવાનો કાફલા સાથે ઘટનાસ્થળે દોડી ગયા હતા અને પાણીનો મારો ચલાવી ટૂંક સમયમાં જ આગ પર સંપૂર્ણ કાબૂ મેળવી લીધો હતો.જે ટેન્કરમાં આગ લાગી હતી તે ગેસથી ભરેલું ન હતું પરંતુ ખાલી (એમ્પ્ટી) હતું. જો ટેન્કરમાં ગેસ હોત તો બ્લાસ્ટ થવાની અને મોટી દુર્ઘટના સર્જાવાની પૂરેપૂરી સંભાવના હતી. ફાયર ફાઈટરોની સમયસૂચકતાને કારણે આગ કેબીન પૂરતી જ મર્યાદિત રહી હતી અને આગળ વધતી અટકી ગઈ હતી.આ ઘટનામાં સદનસીબે કોઈ જાનહાનિ કે ઈજા થવાના સમાચાર નથી. ટેન્કરના કેબીન ભાગને નુકસાન પહોંચ્યું છે. પ્રાથમિક તબક્કે આગ લાગવાનું ચોક્કસ કારણ હજી સુધી જાણી શકાયું નથી. સ્થાનિક પોલીસ અને તંત્ર દ્વારા આ મામલે વધુ તપાસ હાથ ધરવામાં આવી શકે છે.
