MALIYA (Miyana):માળીયા (મિ.)પોલીસે મોટા દહીસરા ગામે હત્યાનો પ્રયાસ કરી ફરાર થયેલો આરોપી ગણતરીના કલાકોમાં ઝડપાયો
MALIYA (Miyana):માળીયા (મિ.)પોલીસે મોટા દહીસરા ગામે હત્યાનો પ્રયાસ કરી ફરાર થયેલો આરોપી ગણતરીના કલાકોમાં ઝડપાયો
માળીયા તાલુકાના મોટા દહીસરા ગામે બનેલી હત્યાના પ્રયાસની ગંભીર ઘટનામાં માળીયા મિયાણા પોલીસે ત્વરિત કાર્યવાહી કરી છે. ગુનો આચરીને નાસી છૂટેલા આરોપીને પોલીસે ગણતરીના કલાકોમાં જ દબોચી લેવામાં સફળતા મેળવી છે.
મોટા દહીસરા ગામના રહેવાસી કીશોરભાઈ દેવદાનભાઈ લોખીલ (ઉં.વ. ૩૭) સામે માળીયા મિયાણા પોલીસ સ્ટેશનમાં હત્યાના પ્રયાસનો ગુનો નોંધાયો હતો. આરોપી ગુનો કર્યા બાદ ધરપકડથી બચવા માટે ફરાર થઈ ગયો હતો.પોલીસની વ્યૂહરચના ઘટનાની ગંભીરતાને ધ્યાને લઈને માળીયા મિયાણા પોલીસ ઈન્સ્પેક્ટર દ્વારા આરોપીને પકડવા માટે અલગ-અલગ ટીમોની રચના કરવામાં આવી હતી. પોલીસે નીચે મુજબની કામગીરી હાથ ધરી હતી મોબાઈલ લોકેશન અને અન્ય ટેકનિકલ માધ્યમોનો ઉપયોગ. ખાનગી બાતમીદારોને સક્રિય કરવામાં આવ્યા.તપાસ દરમિયાન પોલીસને ચોક્કસ બાતમી મળી હતી કે, આરોપી કીશોર લોખીલ મોટા દહીસરાથી નાનભેલા ગામ જવાના રસ્તા પર આવેલા એક ‘વાડા’ માં છુપાયેલો છે. આ બાતમીના આધારે સર્વેલન્સ સ્ટાફના માણસોએ તાત્કાલિક તે વિસ્તારને કોર્ડન (ઘેરાબંધી) કરી લીધો હતો અને આરોપીને દબોચી લીધો હતો.
હાલ પોલીસે આરોપી વિરુદ્ધ આગળની કાયદેસરની કાર્યવાહી હાથ ધરી છે.
