MORBI:મોરબી: ડો. બાબાસાહેબ આંબેડકર પ્રાથમિક વિદ્યાલયનો પ્રેરણાદાયી નિર્ણય, પિતા વગરના બાળકોને અપાશે મફત શિક્ષણ
MORBI:મોરબી: ડો. બાબાસાહેબ આંબેડકર પ્રાથમિક વિદ્યાલયનો પ્રેરણાદાયી નિર્ણય, પિતા વગરના બાળકોને અપાશે મફત શિક્ષણ
મોરબી: શહેરના વીસીપરા જેવા પછાત વિસ્તારમાં વર્ષ 2001થી શૈક્ષણિક ક્ષેત્રે કાર્યરત ડો. બાબાસાહેબ આંબેડકર પ્રાથમિક વિદ્યાલય દ્વારા સામાજિક ઉત્તરદાયિત્વનું ઉત્તમ ઉદાહરણ પૂરું પાડવામાં આવ્યું છે. તાજેતરમાં યોજાયેલી વાલી મીટિંગમાં ટ્રસ્ટ દ્વારા આગામી શૈક્ષણિક સત્ર 2026-27 માટે અનેક મહત્વના અને રાહતકારી નિર્ણયો લેવામાં આવ્યા છે.
જાહેરાતના મુખ્ય અંશો:પિતૃવિહોણા બાળકોને નિઃશુલ્ક શિક્ષણ: જે પરિવારમાં પિતાની છત્રછાયા નથી, તેવા તમામ બાળકોને આ ખાનગી શાળામાં સંપૂર્ણપણે ફ્રી (વિનામૂલ્યે) શિક્ષણ આપવામાં આવશે.
કન્યા કેળવણીને પ્રોત્સાહન: જે પરિવારની બે દીકરીઓ આ શાળામાં અભ્યાસ કરતી હશે, તેમાંથી એક દીકરીની ફીમાં 50% માફી આપવામાં આવશે.
સરકાર નિર્ધારિત ફી કરતા પણ ઓછી ફી: ખાનગી શાળા હોવા છતાં, ગરીબ અને મધ્યમ વર્ગના વાલીઓને ધ્યાનમાં રાખીને ગુજરાત સરકારના FRC ના નિયમો કરતા પણ ઓછી ફી રાખવાનો નિર્ણય લેવાયો છે.
નવીન સુવિધાઓ: આગામી સત્રથી બાળકો માટે શાળાના પટાંગણમાં ‘નેચરલ ક્લાસ’ (કુદરતી વાતાવરણમાં શિક્ષણ) ઊભો કરવામાં આવશે.
સેવાનો અવિરત પ્રવાહ – ડો. બાબાસાહેબ આંબેડકર ચેરિટેબલ ટ્રસ્ટ સંચાલિત આ સંસ્થાએ ગત વર્ષે પણ 8 પિતૃવિહોણા વિદ્યાર્થીઓને મફત શિક્ષણ અને બે કન્યાઓને ફીમાં 50% રાહત આપી હતી. એટલું જ નહીં, તમામ બાળકોને પ્રોત્સાહન રૂપે સ્કૂલબેગનું પણ મફત વિતરણ કરવામાં આવ્યું હતું.
“અમારો ઉદ્દેશ્ય પછાત વિસ્તારના બાળકોને આર્થિક મુશ્કેલી વગર ગુણવત્તાયુક્ત શિક્ષણ આપવાનો છે. નવા રંગ-રૂપ અને આધુનિક સુવિધાઓ સાથે અમે 2026-27ના સત્ર માટે સજ્જ છીએ.”
કે.આર. ચાવડા (મંત્રી અને વહીવટદાર) આ મીટિંગ ટ્રસ્ટના પ્રમુખ જમનાદાસ ટપુભાઈ પરમારની અધ્યક્ષતામાં યોજાઈ હતી, જેમાં મોટી સંખ્યામાં વાલીઓ ઉપસ્થિત રહ્યા હતા અને ટ્રસ્ટના આ સેવાકીય અભિગમને બિરદાવ્યો હતો.
