કલા ઉત્સવ અંતર્ગત સંકુલ કક્ષાએ યોજાયેલ સ્પર્ધામાં કાલોલની સીબી ગર્લ્સ હાઇસ્કુલની વિદ્યાર્થીનીઓનુ ઉત્કૃષ્ટ પ્રદર્શન
તારીખ ૨૦/૦૯/૨૦૨૪
સાજીદ વાઘેલા કાલોલ
કલામહોત્સવ અંતર્ગત તાલુકા /એસ. વી. એસ. કક્ષાએ વિવિધ સ્પર્ધાઓનું આયોજન આર. એન્ડ. બી.સાર્વજનિક હાઇસ્કૂલ, ડેરોલગામ ખાતે તારીખ ૨૦/૦૯/૨૦૨૪રોજ કરવામાં આવ્યું હતું . આ સ્પર્ધાઓમાં શ્રીમતી સી. બી. ગર્લ્સ હાઇસ્કૂલ ની વિધ્યાર્થીનીઓએ ખૂબ ઉત્સાહ પૂર્વક ભાગ લીધો હતો. જેમાં બાળકવિ સ્પર્ધામાં માધ્યમિક વિભાગમાંથી ધોરણ ૯ ની વિધ્યાર્થીની રાઠોડ ખુશી હિતેન્દ્રસિંહ એ પ્રથમ ક્રમાંક મેળવ્યો હતો અને ઉચ્ચતર માધ્યમિક વિભાગમાંથી ધો-૧૧ ની વિધ્યાર્થીની ખેર નિયતિ હરીશકુમાર એ પ્રથમ ક્રમાંક મેળવ્યો હતો. સંગીત ગાયન સ્પર્ધામાં ઉચ્ચતર માધ્યમિક વિભાગમાંથી ધોરણ-૧૨ ની વિધ્યાર્થીની દેસાઇ સલોની જીગ્નેશકુમાર એ પ્રથમ ક્રમાંક મેળવ્યો હતો તેમજ ચિત્ર સ્પર્ધામાં માધ્યમિક વિભાગમાંથી ધોરણ ૯ ની વિધ્યાર્થીની ચૌહાણ માનસી રાજેશકુમાર એ દ્વિતીય ક્રમાંક મેળવ્યો હતો. સ્પર્ધાઓમાં ભાગ લેનાર વિધ્યાર્થીનીઓને તથા માર્ગદર્શક શિક્ષકોને સમગ્ર શાળા પરિવાર અને શ્રી કાલોલ કેળવણી પ્રચારક મંડળ તેમને ખૂબ ખૂબ શુભેચ્છા પાઠવી હતી.
